7 af 6 og franskur verkfallskúltúr

Var svolítið hissa á að lesa þetta, en ég er enginn stærðfærðingur og vil því ekki dæma þetta of hart. En er samt enn að reyna að reikna þetta á puttunum, ég bara næ ekki hvernig sjö af sex geti staðiðst, nema þá kannski að þeir hafi fengið aðstoð að handan.

Viðræður þokast í rétta átt í Frakklandi en þrátt fyrir það ákváðu sjö af sex verkalýðsfélögum innan lesta-og samgöngugeirans að lengja verkfallið til dagsins í dag

Annars er annað áhugavert í þessari frétt, en það eru mótmæli almennings. Hingað til hafa Frakkar verið mjög samheldnir í baráttum samlanda sinna, en nú er tónninn að breytast. Kannski hefur fjölgun almennra launþega, umfram þá á ríkisjötunni, aukið muninn í fríðindum. Franskir opinberir starfsmenn eru mjög dúðaðir af fríðindum og ekki í neinu samræmi við það sem gerist á almennum markaði. Enda er ekki að undra að í Frakklandi vilji flestir eyða ævinni sem opinberir starfsmenn, í stað þess að leita fyrir sér á almennum markaði.

Hins vegar er núna að koma í ljós að kerfið er að rotna að innan og getur ekki staðið undir þessum gríðalegu skuldbindingum, sem flestar komu til í tíð Mitterrands. De Villepin reyndi að brjóta upp heftandi löggjöf, en uppskar mótmæli ungmenna (sem voru reyndar keyrð áfram af verkalýðshreyfingunni). En þrátt fyrir að þessi mótmæli væru haldin í nafni réttinda og frelsis ungmenna, þá var verkalýðhreyfingin í raun að sinna hagsmunum umbjóðenda sinna. Verkalýðshreyfingin í Frakklandi er rekin sem "action force" eða framkvæmdahópur fyrir vinstrihreyfinguna og er iðulega beitt til að ganga gegn réttkjörnum fulltrúum, ef þeir eru ekki vinstrimenn eða gera það sem vinstrimenn vilja. Verkalýðshreyfingin er í raun helsta vopn vinstrimanna til að berjast gegn lýðræðislegum niðurstöðum kosninga. Félög opinberra starfsmanna eru síðan einn hlekkurinn í þessari hagsmunagæslusveit.

Frakkland er hins vegar í miklum vanda og afsal peningamálastefnunnar til ESB hefur gert þeim mjög erfitt fyrir að vinna að sínum málum. Það þarf að taka til, en sú tiltekt kemur til með að verða mjög óvinsæl meðal vinstrimanna, sem flestir eru á ríkisjötunni og vilja ógjarnan missa spón úr aski sínum. Vandi Frakklands liggur ekki í aðgerðum síðustu 10 ára, heldur stjórn vinstrimanna fyrir 20 - 25 árum.

Til að geta gefið, þarf maður að eiga. Þetta eru Frakkar að átta sig á nú, 20 árum of seint.

Verkfallið framlengt í Frakklandi

Með svona vini, hver þarf þá óvini?

Enn og aftur sannast það, að í pólitík er enginn vinur í oddastöðu. Maðurinn sem kallaður hefur verið "góði innflytjandinn", "góði músliminn" og ýmislegt annað, er að sýna enn og aftur að enginn er vinur í pólitík, sérstaklega þegar hann kemmst í oddastöðu.

Alveg óháð því hver hann er, eða hvað hann ætlar sér, þá er þetta alveg "týpískt". Dásamar lýklegasta kandidatinn og svo þegar hann hefur unnið sér traust hans og leitað er eftir stuðningi, þá kemur sprengjan. Gerðu það sem ég vil, eða þú getur gleymt allri samvinnu.

Það eru svona uppákomur sem gera það að verkum að maður vill helst sjá tvær fylkingar sem berjast um hreinan meirihluta og þurfa ekki að stóla á einstaklinga í oddastöðu. Oddastaða er ekki góð fyrir framgang réttláts samfélags, hvort sem um er að ræða Danmörku eða Ísland.

Khader hótar að hætta viðræðum um aðild að nýrri stjórn

Fer olíuverð lækkandi næstu mánuði?

Það kemur á óvart að olíufélögin lækki verðið áður en stórar lækkanir verða erlendis. Auðvitað er alltaf spurning hversu mikið olían muni lækka, en hugsanlega erum við að sjá fram á verulega lækkun olíunnar næstu sex til sjö mánuði. Gæti verðið verið á leið niður í 75 dollara áður en það rís aftur, 80 og 87 dollarar eru líka hugsanlegir viðsnúningspunktar á niðurleiðinni.

Á meðan markaðurinn var búinn að undirbúa sig, og sætta sig við, 100 dollara á tunnuna, þá var hann ekki kominn með hærri verð. Þeir sem hafa verið að fjárfesta í olíunni þurfa núna að losa stöðurnar sínar og er það gert með því að auglýsa hugsanlega 120 og jafnvel 150 dollara á tunnuna. Þá kemur nýtt blóð inn á markaðinn sem kaupir stöðurnar þeirra, en þessir aðilar munu svo tapa í niðursveiflunni.

Verðið mun að sjálfsögðu ekki lækka út í hið óendalega og kemur til með að hækka eftir þessa leiðréttingu sem hugsanlega er framundan, en það verður líklegast uppúr miðju næsta ári.

Annars er greining á olíuverðinu og hugsanlegum verðbreytingum hægt að sjá hér

Eldsneytisverð lækkar

Auðvitað munu engin vopn verða til staðar, annað væri fáránlegt.

Hvers konar spurning er nú þetta. Ef maður væri ekki það skýr að átta sig á því að þarna er bara um hreinan populisma að ræða, þá gæti maður haldið að háttvirtur spyrjandi væri fífl. En þar sem maður vill ekki gera honum það, þá held ég mig við þá skoðun að þetta sé spurning um populisma.

Til hvers að fá orustuvélar til að verja landið ef ekki væru nein vopnin. Eiga þeir bara að vinka og segja "ab ba bab, ekki lengra vinur". Auðvitað er til sú hugmyndafræði að við ættum ekki að stunda neinar varnir, vera bara opinn fyrir sjógangi og trúa og treysta á að mannkynið sé í eðli sínu góðhjarta, nokkuð sem við getum svo vel séð á við sögulestur. Það er ekki spurning að VG telja að hér eigi ekki að vera til staðar varnir eins og þær sem felast í þessum flugvélum. Þeir hafa svo sem sagt það, en að koma með svona spurningu er náttúrulega bara ekki í lagi.

En ekki ætla ég að kenna mönnum að tjá sig, eða segja þeim til um hvert innihald slíkrar tjáningar eigi að vera. Menn verða bara að standa með því sem þeir segja, eins og ég mun þurfa að standa með því sem ég segji hér.

Svo er það myndin (þessi upprunalega, ef henni skildi verða skipt út). Þetta eru ekki F15 orustuflugvélar. Þetta er ein F15 vél og svo ný týpa sem ég bara man ekki númerið á, minnir að það sé F19.

Vill vita hvort orrustuvélar muni bera vopn

Öll er nú dásemdin eins

ESB er yndislegt dýr, gerir miklar og að margra vitund ósangjarnar kröfur á aðra, en getur svo ekki haldið þannig um reksturinn að hægt sé að samþykkja reikningana.

Vanhæfni er eina skýringin á þessu, enda batterýið rekið af kerfiskörlum í draumaheimi, heimi þar sem enginn segir þeim fyrir verkum og ekkert yfirvald er til. Kafka hefði ekki getað sviðsett þetta betur. Kerfiskarlar allra landa (alla vega flestra í Evrópu) hafa fundið sér samastað sem er svo langt frá refsihendi lýðræðisins að nálgast það að vera Útopia, slík að vanhæfir kerfiskarlar, reglufargans elskandi lögfræðingar, afdankaðir pólitíkusar rúnir trausti og getulausir businessmenn í leit að styrkjum, slefa yfir tilhugsuninni. Almenningur verður hins vegar bara að éta sitt súra epli og búa sig undir enn einn kaflann í sögunni endalausu, sögu sem Kafka myndi slefa yfir að fá að skrifa.

Endurskoðendur neita að skrifa undir reikninga ESB

Olían mun hækka áður en hún lækkar

Olíuverð er komið á þann staðinn að það ætti að halda sér fyrir ofan 90 dollarana. Þetta var svo sem fyrirsjáanlegt eftir að allir fóru að tala um að verðið færi í 100 dollara. Tvær greinar fjalla um þetta, hér og hér . Þegar "markaðurinn" og tali maður ekki um "almenningur" er farinn að tala um olíuna í 100 dollurum, þá mun það gerars.

Af hverju mun það gerast? Það er einfallt. "Markaðurinn" er ekkert annað en samsafn einstaklinga sem stunda þar viðskipti. Þessir einstaklingar eru ekkert frábrugðnir "venjulegu" fólki, þar sem sama sálræna hegðunarmynstur á sér stað. Fólk er allt keyrt áfram af ákvæðinni hræðslu við mistök eða tap og þrá í hagnað eða gróða. Til að spara tíma, setjum við okkur ákveðna flýtilykla sem virka til dæmis á höft. Okkur finnst ákveðið verð of hátt, en með því að tala um hærra verð í tíma og ótíma, þá verðum við ónæm fyrir hækkuninni og hærra verðið verður nýtt þolmark.

Þess vegna mun olían fara nálægt 100 dollurunum, en þar mun að öllum lýkindum koma til verðfall sem mun lækka olíuna niður undir um 80 dollara, plús mínus. Þetta mun hugsanlega gerast eftir áramót, þegar fer að hlýna í Bandaríkjunum, en samt áður en þörfin fyrir loftkælibúnað hækkar verðið aftur. 

Ég er hins vegar hræddur um að olían mun haldast fyrir ofan 70 dollarana nokkurn tíma enn, allt í árum talið. Það fer ekki að lækka fyrr en vægi olíunnar minnkar á vesturlöndum.

Olíuverð yfir 96 dali

Er sjálftaka eðlileg?

FIT* kostnaður er eitthvað sem ég held að flest okkar hafi fengið í hausinn einu sinni eða oftar. Auðvitað eru til einstaklingar sem hafa aldrei "farið á FIT", en það eru þeir einstaklingar sem eru meðvitaðir um sín fjármál. Ég ætla ekkert að draga dul á það að ég hef farið á FIT. Það eru hins vegar ár og öld síðan það var eitthvað reglulegt og ófrávíkjanlegt, en síðast gerðist þetta fyrir helber mistök, þar sem ég tók upp vitlaust Debetkort þegar ég var að versla.

FIT kostnaður er auðvitað mikill, en þetta er ekki kostnaður sem maður ÞARF að borga. Þetta er bara borgað ef farið er yfir á reikningi. Fólk sem er meðvitað um sín fjármál og passar sig að fara ekki yfir á reikningi sínum, þ.e. eyðir ekki fjármunum sem það ekki á, borgar aldrei FIT. Ég tími ekki að borga FIT kostnaðinn, en það er einfalt að losna við það. Þetta er ekki skattur sem maður er skilyrtur til að greiða.

Nú er verið að kalla FIT sjálftöku bankanna, en hvað er það kallað þegar fólk fer yfir á reikningi. Er það ekki sjálftaka á láni. Af fara yfir á reikningi, er svipað og að taka lán án þess að spyrja nokkurn að því, eins konar sjálftaka láns. Af hverju á ég að geta tekið lán án samráðs við eiganda fjársins?

Það eru tvenns konar aðilar sem fara á FIT, þeir sem eiga engan pening og eru að taka sér lán, svo þeir sem eiga pening á öðrum reikningum, en ruglast kannski á Debet kortum. Bankarnir mættu taka meira tillit til slíkra mála, þannig að ef einstaklingur sem á pening í banka fer yfir á reikningi, þá millifærir bankinn sjálfkrafa upphæðina á milli reikninga. Þannig yrði hugsanlega hægt að fá lægri kostnað, bara þessar "tvær og fimmtíu" sem það kostar að stemma af villulistann.

Annars er margt annað í kringum bankaviðskipti sem þarf að laga mun frekar. Það er stimpilgjald og afnám verðbóta. Auðvitað eru verðbætur eitthvað sem reikningseigendur eru sáttir við, en skuldarara ósáttir. Svo kemur líka inn í þetta, að við afnám verðbóta, munu vextir hækka. Munurinn er hins vegar sá, að þá sér fólk hvað það borgar fyrir fjármagnið og getur gert átælanir í kringum það.

* Fyrir þá sem ekki vita, þá stendur FIT fyrir Færsluskrá Innistæðulausra Tékka.

Björgvin berst gegn sjálftöku

Lýðræðið í hnotskurn

Þarna er lýðræði ESB hnotskurn. Ákveðið er af fámennri klíku, hver á að vera forseti. Þetta embætti var eitt það heitasta í svo kallaðri stjórnarskrá og líklegast afdrífaríkast þegar fólk ákvað að afsala sér ekki þjóðerni sínu. Nú er búið að "hætta" við stjórnarskrána og nýr "sáttmáli" kominn í staðinn. En þar sem orðið "sáttmáli" er ekki "stjórnarskrá", þá þarf ekki að kjósa um þetta.

Kerfiskarlarnir í ESB, bæði skriffinnarnir og ekki síður afdankaðir stjórnmálamenn, eru ekki neitt sérlega hrifnir af lýðræði. Það truflar nefnilega svo rosalega hagsmunagæslupotið og spillinguna. Almenningur er óþægileg nauðsyn til skattpýningar, enda er hugmyndafræði ESB í þeim málum, meira er betra en minna. Fyrirtæki sem krefjast inngöngu í ESB væru alveg jafn gjaldgild inn í félag SMDB.

Annar þáttur í ESB, þessu tengt, er að þar hefur aldrei trúað á sjálft sig. Allar hugmyndir um framtíð ESB byggja á einhverri öfund til USA og drauma um að yfirfæra stjórnsýslukerfi þeirra yfir á Evrópu. Stór grundvallamunur er þó á þessum tveimur samfélögum, munur sem mun aldrei gera ESB kleift að verða USA. Bandaríkin urðu til í samfélagi þar sem allir voru af sama meiði, ríkin voru tilbúningur án sameiginlegrar sögu og sjálfsvitundar. Evrópa er ekki þannig, hún er samsafn samfélaga með sterka sögu- og sjálfsvitund. Bara það að Skotar, Baskar og Bretonar, auk fjölda annarra smáhópa, sækja í að auka sjálfsvitund sína, sýnir að blind trúa á eitthvað ESB verður aldrei til í sama mæli og sú blinda trúa á USA sem þar ríkir.

Framtíð ESB verður aldrei, nema þeir sjái að sér. Hins vegar er hæpið að sjálfhverfir hagsmunagæsluliðar muni nokkurn tíman sjá að sér. Þetta bákn er dæmt til dauða, en það sorglega við það, er að áður en af því verður, mun það eyðileggja Evrópu svipað og myglusveppur sem leggst í matvæli.

 

Blair kann að verða fyrsti forseti Evrópusambandsins

Villtu vera skattfrjáls?

Nú þegar þetta er orðið almenn vitneskja, þá er kannski allt í lagi að upplýsa um það hvernig hægt er að nota þetta til að vera skattfrjáls.

Aðili fæddur í landi A skráir sig til heimilis í landi B og tilkynnir skattayfirvöldum í A að hann sé fluttur. Þegar hann hefur verið par mánuði í landi B, tilkynnir hann þarlendum yfirvöldum að hann sé fluttur til lands C. Mjög gott er ef land C er ríki þar sem kerfið er í kerfi og erfitt er að fá upplýsingar. Yfirvöldum í landi C er svo tilkynnt um flutning til lands D, en eftir það er viðkomandi aðili "frjáls". Lönd B og C hafa engan áhuga á að eltast við þennan aðila þar sem hann er "útlendingur" og ekki þeirra "vandamál". Ríki A er eina ríkið sem gæti haft áhuga á að hafa uppi á viðkomandi. Komi hann síðan til lands A, þá má búast við því að reynt verði að "festa" hann þar inni, en sé þessi aðili þannig til fjárins vaxinn, að það skipti hann í raun engu máli hvar hann er staddur, tekjurnar bara koma inn, þá passar hann sig að vera með staðfestar ferðir á milli landsins sem sýna minna en sex mánaða dvöl í landinu. Finni hann að það er farið að hitna undir honum, þá tilkynnir hann bara til ríkis D að hann sé fluttur til X. Þar sem hann getur sýnt framá að hann hafi ekki búið nema mjög stutt í landi D, þá hefur ríki D engan áhuga á honum.

Það skal tekið fram að auðvitað er ætlast til að fólk standi sína pligt og borgi skatta. Þetta er bara sett svona fram sem samkvæmisleikur.

Ekki fylgst með því hvert fólk fer í raun

Markaður í mauki

Jæja, þá eru markaðir á niðurleið. Reyndar mátti búast við þessu, en föstudagurinn var ansi aggressívur í niðursveiflunni. Það er alltaf verið að tala um Dow Jones og Nasdaq, en þegar litið er til Bandaríkjanna, þá er eðlilegra að skoða S&P 500 vísitöluna, en hún gefur betri heildarmynd af bandarísku efnahagsumhverfi. Það er greining á síðustu vikum sem hægt er að lesa hér, en á sama vef eru nokkrar greinar sem búið er verið að skrifa um þetta og Olíuna.

Það er allt undir næstu þessari og næstu viku komið hvernig gengur, en nái markaðurinn sér ekki á strik aftur má búast við góðu súnki.

Úrvalsvísitalan lækkar um 2,23%

Ferillinn ónýtur

Þá er það búið hjá Dabba Koparengi. Maður sem hefur lífsviðurværi sitt á því að láta hluti hverfa, getur varla haldið áfram í vinnunni eftir að honum tókst ekki að láta einhverja smámynnt hverfa heima hjá sér.

Held að þetta mál allt geri það að verkum að hann eigi sér aðeins eina ósk, að láta sig hverfa! Nú er spurningin hvort honum takist það, það gæti hugsanlega reddað ferlinum.

FBI gerði húsleit hjá heimsþekktum sjónhverfingamanni

Olían og við

Las um það á Vísi.is, að Norðmenn væru á móti því að við hefjum olíuvinnslu á milli Íslands og Jan Mayen út af umhverfissjónarmiðum. Það er alveg ótrúlegt með þessa Norðmenn, hvað þeir hafa mikla minnimáttakennd gagnvart okkur. Við megum ekkert án þess að þeir reyni að eyðileggja það fyrir okkur. Þeir halda kannski að þeir einir hafi rétt á að nýta sér olíuna.

Olíuverð fer hækkandi og þó það lækki í framtíðinni, þá má það lækka ansi mikið áður en það fer að verða óarðbært að vinna hana. Vonandi mun íslenska ríkistjórnin taka öðruvísi á umsýslu olíugróða en sú norska.

Annars má gera ráð fyrir að olían haldi áfram að hækka, alla vegana upp undir 100 dollara markið. En ég hef áður vísað á tengil um þetta efni, sem er hér

Enn hækkar verð á hráolíu

Olían í 100 dollara

Þá er búið að brjóta á bak aftur 90 dollara múrinn. Spurningin er bara hvar endar þetta. Kosturinn við lækkandi verð, er sá að það fer aldrei neðar en 0, hins vegar getur hækkun haldið út í hið óendanlega.

Fjármálamarkaðir eru ekkert annað en endurspeglun þeirra einstaklinga sem þar stunda viðskipti. Sálrænt ástand þeirra er það sama og annarra íbúa, en það leiðir mann að því hvernig einstaklingar hugsa um verð. Í verslunum er algengt að sjá verð eins og 1,99 og 9,99. Sjaldnast sér maður eitthvað eins og 2,10 eða eitthvað álíka. Þessi verðlagning er ekki tilviljun, heldur er fólk almennt gjarnara á að kaupa hluti, sem það skynjar sem ódýrt, þó það kannski sé það ekki. Þannig myndi maður kaupa eitthvað á 1,99 en ekki á 2.0 þó svo að í eðli sínu sé næsta enginn munur á.

Þannig getur það gerst að verðið fari langt upp í 100 dollara, ef það nær að festa sig fyrir ofan 90.

Það má lesa meira um olíuverðið og 100 dollarana hér.

Olíuverð yfir 90 dali

Bara eins og ekkert hafi verið að gera áður

Það er bara allt að verða vitlaust. Það er eins og ekkert hafi verið að gera þar til nú, að Bingi fór með síðasta hluta Framsóknarflokksins heim. Það er nefnilega svo að Framsóknarflokkurinn er sósíalistaflokkur og á því frekar heima með öðrum sósíalískum smáflokkum, en hægriflokk.

Nú skal ég skýra út hvað ég á við. Grunn hugsjón Framsóknarflokksins er Samvinnuhugsjónin. Þessi hugsun er ekkert annað en sósíalísk hugsun sem byggir á því að þú leggur allt þitt í púkk, en færð ekkert meira en sá sem minnst lagði inn. Svo er mynduð stjórn um allt batterýið sem hefur það eitt að markmiði að hygla sér og sýnum á kostnað þeirra sem byggja samfélagið.

Hvort þetta kallast Samvinnu eða Samyrkju, þá er þetta allt af sama grunni. Velkominn heim Bingi.

Víða fundahöld um nýjan meirihluta

Og hvað hefur þetta með frið að gera?

Þegar ég las að hugsanlega yrði Alli Nóbelsverðlaunahafi í friði, þá hristi ég hausinn og taldi Akademíuna ekki svo takmarkaða. En viti menn, ekki er sú vitleysan til sem ekki getur orðið. Alli orðinn friðarpóstuli. En hvað hefur þetta tal hans um veðurfarsbreytingar að gera með frið?

Alveg óháð því hvort hann hefur rétt fyrir sér, nokkuð sem ég er ósammála um í stórum dráttum, eða ekki, þá hefur þetta ekkert með frið að gera. Eins og ástandið í heiminum er í dag, þá held ég að það sé fjöldinn allur af fólki sem vinnur að því að ná fram friði á öllum þeim óteljandi átakastöðum sem prýða þennan hnött, sem eigi þessi verðlaun miklu mun frekar skilið. Amatör veðurfræðingur er ekki sá sem ég hefði talið að væri sterkasti friðar kandidatinn. En pólitík er undarleg tík og þessi verðlaun ekkert annað en aumur rakki.

Alli er hins vegar með mjög gott sjóv í gangi. Ef allt fer eins og ég geri ráð fyrir, náttúrulegar sveiflur, og það fer að kólna eftir einhverja tugi ára. Þá getur Alli, eða fylgismenn hans ákallað hann og gert að bjargvætti mannkyns. Fari svo að sveiflurnar og hlýnunin haldi áfram og þetta verði rokna hitadæmi og allar þær katasroffur sem kynntar hafa verið til sögunar, skella á. Þá geta fylgismenn Alla barið sér á bróst og kennt hinum heimsku íbúum, sem ekki fylktu sér um Alla, um að svona hafi farið. Í alla staði, þá mun Alli standa eftir með pálmann, og Nóbelinn, í höndunum. Það er varla hægt að skrifa sig betur inn í söguna en þetta.

Leiða friðarverðlaun Gores til forsetaframboðs?