Bandaríkin í óvissu líka

Eflaust á einhver eftir að finna góða ástæðu fyrir því að þessir markaðir séu að taka þessa dýfu. Hins vegar er spurning hvort ekki megi líta til bandaríska markaðarins í von um skýringu.

Bandaríska S&P500 vísitalan hefur verið að skríða upp síðan hún botnaði í "kjölfar" lausafjárkrísunnar. Hún er nú gengin til baka rétt rúmlega 50% af því sem hú féll og því á viðkvæmum stað. Þegar svo viðskiptin síðustu daga eru skoðuð, þá eru þau að sýna mjög áhugaverða mynd. Þar má sjá að lægsta verð hefur hækkað og hæsta verð lækkað milli daga.

Þetta myndar fleyg sem er farinn að þrengjast mjög. Slíkir fleygar hafa þá áráttu að verð springur venjulega upp eða niður af honum og þá verður venjulega um verulegt stökk að ræða. Spurningin er bara núna, í hvora áttina springur fleygurinn.

Þegar markaðurinn er skoðaður sést að hækkunin sem hefur átt sér stað, er aflíðandi. Þ.e. krafturinn í henni er farinn að minnka og "línan" upp sveigir til hægri.

Það er því spurning hvort bandaríski markaðurinn sé að fara að taka á sig eina dýfuna enn og þá verður forvitnilegt að vita hversu djúp sú dýfa verður.

Ég hef talað um það nú um nokkurt skeið að bandaríski markaðurinn sé að fara að taka einhverja dýfu og spurning hvort núna sé komið að henni. Hins vegar á markaðurinn það til að bregðast öndvert við það sem maður átti von á, en samt, ég held að nú sé hættan nokkur á dýfu.

Viðbót 5. maí kl. 10:59
Eftir að þessi færsla var rituð, þá sprakk markaðurinn niður og féll verulega. Núna er markaðurinn í ákveðinni botnbaráttu þar sem hann er að reyna að koma í veg fyrir frekara fall. Hins vegar á hann í erfiðleikum með að vinna sig upp. Spurningin er núna hvort þessi "kæling" á markaðinum sé nóg, eða hvort hann gefi eftir og falli frekar. Ég tel nokkrar líkur á því, en vil samt fylgjast með hvað gerist í dag. Stundum gerast kraftaverk.

Órói á evrópskum mörkuðum

Sko Kínverjana

Það er ekki nóg með að Kínverjar séu búnir að vera duglegir að fjármagna stríðin fyrir BNA nú upp á síðkastið, með kaupum á ríkisskuldabréfum, heldur virðast þeir núna vera farnir að framleiða fyrir þá hergögnin.

Hvað kemur næst hjá þeim?

Kínverjar kaupa Hummer

Erum við ábyrg fyrir samdrætti í öðrum löndum?

Ég verð nú að viðurkenna að ég er ekki að skilja þetta. Afhverju er Jim McColl í vandræðum út af hugsanlegu gjaldþroti Atorku. Ef Atorka fer á hausinn þá færist hlutur félagsins í þessum tveimur félögum í þrotabúið. Það ætti þá að vera auðvelt fyrir hann Jim að kaupa þetta á einhverjum niðurgreiddum prís.

Það eina sem gæti haft áhrif á félögin við gjaldþrotið, er ef Atorka er ekki búin að greiða hlutaféð. Það kemur hins vegar hvergi fram í fréttinni að svo sé, það verður að koma betri skýring á vanda þessara fyrirtækja. Hins vegar kemur fram að þessi fyrirtæki hafi "orðið fyrir barðinu á íslenska hruninu líkt og mörg önnur félög á Bretlandi". Án nú að kenna okkur um allan samdráttinn í Bretlandi?

Þetta hljómar eins og beint úr munni hr. Brán, allt Íslendingum að kenna. Það er fjöldinn allur af félögum í Bretlandi sem eru í eigu Íslendinga, að hluta til eða í heild. Það hefur hins vegar ekkert með samdráttin í Bretlandi að gera. Þessi samdráttur er tilkominn vegna misvitra bankamanna, eins og á Íslandi og hefur því ekkert með okkur að gera.

Ég velti því fyrir mér hvað þessir útlendingar eru að hugsa. Halda þeir virkilega að við höfum getað ýtt alþjóðasamfélaginu út í eitt alsherjar samdráttarskeið bara svona ein og sér. Ef svo er, þá velti ég því fyrir mér hvers megnum við erum ef við gerum hlutina meðvitað, fyrst okkur tókst þetta ómeðvitað. Engin furða að hinn upplýsti heimur vilji koma böndum á okkur.

Íslenska hrunið hefur áhrif í Skotlandi

Ekkert að krónunni. Brúin bara tóm.

Held að það sem kominn tími til að hætta þessu einelti á hendur krónunni. Það var ekkert að henni fyrir skellinn og er ekkert að henni núna. Vandamálið var að það var enginn í brúnni þegar krónan varð fyrir árás, kafteinninn var bara í koju og lét dallinn reka. Það eru þrjú atriði sem hefði þurft að gera til að halda öllu í góðu.

1. Gjaldeyrisforðinn átti að vera um +20% af þjóðarframleiðslunni.
2. Setja átti viðmiðunargengi á krónuna sem væri það sem eðlilegt gæti talist. Með þessu viðmiðunargengi væri svo gert ráð fyrir vikmörkum fyrir krónuna að sveiflast innan, einhver ákveðin prósent. Svo átti Seðlabankinn að vera með teymi miðlara sem fylgdust með verslun með krónuna og þegar hún færi upp fyrir vikmörkin eða niður, þá áttu þessir miðlarar að taka stöðu gegn markaðnum. Við það hefðu þeir sem ætluðu sér að keyra krónuna út í öfgar tapað pening á þessu og fljótlega hætt. Þessir menn vilja græða ekki tapa. Þá hefði krónan haldist í eðlilegum sveiflum. (þetta gekk fínt hjá þeim í Hong Kong)
3. Bindiskyldu bankanna hefði átt að auka í stað þess að draga úr henni 2006. Svo átti Seðlabankinn að vera með virkt eftirlit á skýrslum sem sendar væru á viku fresti. Þá hefði verið hægt að grípa inn í þegar bankarnir væru að sýna tæpa lausafjárstöðu.

Euro umræðan er smjörklípa sem Samfylkingin og ESB sinnar skelltu á okkur þegar þeir sáu að það var enginn vilji til inngöngu í sambandið. Nú hafa þeir náð að rústa efnahaginum, meðal annars með óábyrgum fullyrðingum um "lélega" krónu. Með því að rýra gildi krónunnar var vonast eftir áfalli sem myndi leiða múginn til ESB aðildar í hugusunarleysi vegna hræðslu.

Höldum kúlinu og látum ekki draga okkur út í eitthvað sem við svo gætum séð eftir. Ákvarðanir teknar í panik eru aldrei góðar ákvarðanir. Við Íslendingar skulum bara hafa það í huga að okkur er allt mögulegt og eigum að líta á þetta ástand núna, fyrst og fremst sem tækifæri. Tækifæri til að móta þetta þjóðfélag til betri framtíðar.

Athugasemdakerfið er opið, en ég er ekki viss um að ég hafi mikinn tíma til að svara þeim sérstaklega. Samt gaman að heyra hvað fólki finnst.

Skref í átt að ESB væru jákvæð