Afstaða VG til ESB algerlega klár ...?

Atli Gísla fullyrðir að afstaða VG til ESB sé algerlega klár. VG er á móti inngöngu í ESB. Ef svo er hvernig geta þeir þá samþykkt að sækja um inngöngu, því það er það sem er framundan. Þetta verður ekki neitt kaffispjall við Brussel sem svo verður borið undir þjóðina áður en sótt verður formlega um. Ef vilji Samfylkingarinnar nær fram að gang, sem hann reyndar hefur gert, þá verður formlega sótt um aðild að ESB í júlí. Afstaða VG er ekkert algerlega klár.

Það eina sem hægt var að segja um VG, var að sama hvort maður væri sammála þeim eða ekki, þá voru þeir einlægir í sínum skoðunum. Maður vissi alltaf hvar maður hafði þá. Núna er allt annað upp á teningnum. VG hefur sýnt það að þeir selja sálu sína fyrir stjórnarsæti, jafnt og allir hinir flokkarnir.

Málið er einfallt, það þarf að rútta öllu draslinu út af þingi og fá inn nýtt fólk. Þá er ég ekki að tala um nýtt fólk í sömu gömlu flokkunum, heldur nýtt fólk í nýjum flokki. Fólk sem ber hag almennings fyrir brjósti, fólk sem ekki lítur til útlanda eftir lausn, fólki sem tekur á verkinu og leysir það.

Það er ótrúlegt að á alþingi skuli vera meirihluti þingmanna sem hefur svo litla trú á almenningi í landinu, að hann telur einu færu leiðina til að bjarga sjálfum sér, þá að skríða undir pilsfaldinn á Brussel. Hættum að láta einhverja sem ekki treysta sér til að vinna verkin fá þau og köllum til þá sem treysta sér til þess.

Það náðist að stytta kjörtímabil síðustu stjórnar, það er augljóst að það þarf að stytta kjörtímabil þessarar líka.

Þingmenn lýstu yfir andstöðu

Athugasemdir

[Hjörtur J. Guðmundsson, 11.5.2009 kl. 12:17]

Samfylkingin mun draga lappirnar í að koma efnahagsmálum Íslendinga í lag á ný (þ.e. ef hún þá getur komið þeim í lag) einfaldlega vegna þess að flokkurinn hefur beinan pólitískan hag af því að efnahagsástandið verði sem verst þar til honum tekst að koma Íslandi undir yfirráð Evrópusambandsins.

[Jón Lárusson, 11.5.2009 kl. 12:37]

Samfylkingin og aðrir ESB sinnar voru ekkert að velta fyrir sér afleiðingunum þegar þeir töluðu krónuna niður síðastliðin ár. Tilgangurinn helgaði meðalið þá eins og nú. Aðrir koma ekki til með að leysa okkar mál, við verðum að gera það sjálf.

[Árni Gunnarsson, 11.5.2009 kl. 13:32]

Þetta er ömurlegur pistill svo ekki sé nú fastar að orði kveðið. Og ekki bættu þar úr athugasemdir ykkar, Hjörtur og Jón.

Það sem þó er verst er það að ég treysti mér ekki til að vera ósammála neinu í ykkar ályktunum.

Klakaklárinn Jóhannes gamli í Ytra- Vallholti sagði í samtali við Stefán Jónsson í viðtalsbókinn -Líklega verður róið í dag- að veturinn 1881-1882 hefði löðurmennskan frosið í hel á Íslandi! Nú hefur þessi andskotans hnatthlýnun vakið þennan ófögnuð upp á ný. Og með ófyrirséðum afleiðingum. 

[Jón Lárusson, 11.5.2009 kl. 18:19]

Með ákvörðun VG að samþykkja ESB inngöngukröfu Samfylkingarinnar, hefur VG skipað sér á bás með hinum flokkunum á þingi. Ég tel að flestir gátu verið sammála um það að þingmenn VG voru staðfastir í sínum skoðunum, óháð því hvort menn séu sammála þeim skoðunum eða ekki. Nú hefur hins vegar komið brestur í þá staðfestu, slíkt að hriplekt er orðið.

Fyrir síðustu kosningar var VG harðastur stjórnmálaflokkana gegn inngöngu í ESB og velti ég jafnvel fyrir mér að kjósa þá til þess eins að fá sterkt ESB mótvægi á þing. Ég tók hins vegar ákvörðun um að gera það ekki og nokkuð sáttur við þá ákvörðun núna.

ESB aðild sem markmið verður aldrei annað en langtímamarkmið. Við stöndum hins vegar frammi fyrir því að það eru verkefni sem þarf að leysa núna strax. Þessi verkefni geta ekki beðið meðan eitthvað ESB ferli er í gangi með öllum því þrasi sem fylgja mun á þingi. Núna ríður á að vinna að lausn okkar mála og það án einhverra hártogana sem engu skipta í því sambandi. Þegar skip er í nauð, þá er fyrsta verk að sinna fólkinu um borð, síðan getum við ákveðið hvort hinn eða þessi áfangastaðurinn hafi eða sé betri en annar.