Icesave má ekki verða skiptimynnt í ESB aðildarfloppinu

Það er ekki spurning að Icesave er eitt af þeim málum sem þarf að taka á. Hins vegar veltir maður því fyrir sér hver heilindi ríkistjórnarinnar verða í málinu þegar hún er jafn blind á ESB aðild og raun ber vitni. Bretar vita hug heilagrar Jóhönnu og munu nýta sér það í "samingunum" um Icesave. Ég er hræddur um að það verði ekkert samið í því máli, það verður bara tekið við skilyrðum Breta gegn stuðningi þeirra við inngöngu í ESB.

Það er nokkuð kaldhæðnislegt til þess að vita að Bretar eru tilbúnir að gera allt fyrir okkur til inngöngu í ESB, samband sem þeir sjálfir eru mótfallnir og hafa alltaf verið tregir til að vinna með. Þeir hljóta að hlægja sig máttlausa yfir þessu, að ná fram öllu sínu varðandi Icesave og um leið koma okkur inn í sambandið sem þeir eru sjálfir á móti. Þetta er eins og að vinna þann stóra í Lottó. Nú sjá þeir fram á að geta beitt sér innan ESB og fengið aftur aðgang að landhelginni og þannig náð til baka öllu því sem þeir töpuðu í Þorskastríðunum.

Skuldastaða skýrist ekki fyrr en Icesave samningar eru í höfn

Athugasemdir

[Hans Haraldsson (IP-tala skráð) 11.5.2009 kl. 12:49]

Það er ekki bara Icesave sem skiptir máli í þessu samhengi. Kröfuhafarnir í þrotabú gömlu bankanna eru flestir evrópskir stórbankar. 

[Marteinn Unnar Heiðarsson, 11.5.2009 kl. 13:50]

Sama segi ég og síðasti maður slökkvi ljósin í Leifsstöð þegar hann fer úr landi.Þá getur Jóhanna og kompaní dundað sér við að borga allan pakkann fyrir Brussel mafíuna.

[Jón Lárusson, 11.5.2009 kl. 18:24]

ESB blindan sem sumir þjást af er ekki ólík snjóblindunni, ef ekki er farið varlega, þá er hætta á að falla fram af hengju.

Komi til þess að þessir samingar verði keyrðir í gegn með undanlátsemi, þá má búast við að álögur á landsmenn muni verða mun meiri en ástæða væri til annars. Auðvitað munu Bretar, og aðrir s.s. Hollendingar, reyna að láta okkur borga allan brúsan, jafnvel það sem þeir eiga sjálfir að greiða. Vonandi verður ESB blindan ekki slík að við föllum af þeirri hengju.