Undanþága ekki vís. Spurning að trúa frekar á okkur sjálf

Þegar ákveðið var að taka up euro var ESB mjög í mun að fá sem flest ríkin með í pakkan. Þess vegna var tekið mildar á ákvæðunum sem áttu að gilda um upptöku euro, en öll löndin sem getið er um hér, eru lönd sem tóku upp euro við stofnun myntbandalagsins. Það er ekki víst að sömu undanþágur verði teknar leyfðar núna. Bretar, sem líklegastir væru til að styðja okkur í euro upptökunni (það er að segja ef við látum allt eftir þeim og borgum það sem þeir vilja) eru ekki einu sinni þarna inni, þannig að sá stuðningur gæti orðið dýrari en ellla.

Það eru fleiri lönd í euro myntbandalaginu sem ekki eru að uppfylla öll skilyrðin og hefur verið hótað sektum til handa Frakklandi og Ítalíu vegna þessa. En ESB er nefnilega með sektarákvæði sé þessum skilyrðum ekki fullnægt. Frakkar neituðu að borga og þar sem þeir eru eitt af þessum lykil ríkjum, þá komust þeir upp með það. Við erum hins vegar ekki eitt af lykil ríkjunum og því hæpið að við kæmumst upp með að borga ekki sektirnar.

Svo er annað varðandi allt þetta ESB dæmi sem við verðum að horfa til. Það er ekki allt dans á rósum þarna inni. Almenningur, þessi sem nær ekkert er hlustað á, er mjög óánægður með veruna í ESB. Almennt hefur hagur almennings ekki batnað mikið. Atvinnuleysi hefur verið tveggjastafa tala um árabil, t.d. 12% í Frakklandi og staða ríkisskulda stórt hlutfall af þjóðarframleiðslu t.d. heyrði ég að Ítalía væri nálægt 200% af þjóðarframleiðsu.

Alveg óháð því hvort við fáum undanþágur eða ekki frá Maastricht, þá er alveg á hreinu að umsóknarferlið og euro upptaka munu taka okkur nokkur ár. Erum við tilbúin að bíða í nokkur ár eftir því að ástandið hér lagist kannski. Við höfum enga tryggingu fyrir því að þetta lagist með inngöngu í ESB og upptöku euro. Öll rökin fyrir inngöngu, sem sett hafa verið fram, s.s. stöðugri gjaldmiðill, stöðugra efnahagsumhverfi, erlend fjárfesting osfrv. er hægt að hrekja með því einu að horfa til þeirra landa sem þarna eru inni.

Til dæmis er euro allt of hátt skráð í dag og hefur það komið Írum og Spánverjum auk annarra smærri landa mjög illa. ESB og euro aðild kom ekki í veg fyrir efnahagshrun á Írlandi og Spánni, svo afhverju ætti að það koma í veg fyrir slíkt hjá okkur. Okkur hefur verið sagt að við þurfum ekki að vera komin inn í ESB og búin að taka upp euro til þess að ástandið batni, bara það að hefja ferlið muni auka trú erlendra fjárfesta slíkt að þeir muni koma hingað í hrúgum. Ég spyr því, hvers vegna eru erlendir fjárfestar, bandarísk stórfyrirtæki, að yfirgefa Írland þar sem Írland er þegar inni í pakkanum. Er eitthvað sem segir að erlendir fjárfestar vilji fjárfesta hjá okkur frekar en Írum sem þegar eru inni. Við verðum að átta okkur á því að aðildarumsókn núna í júlí mun ekki hjálpa til við að laga það ástand sem hér er til staðar.

Þessi áhersla á ESB byggir á því að ráðamenn hafa ekki trú á getu okkar til að leysa okkar mál sjálf. Ég segi hins vegar að við getum það og reyndar erum við þau einu sem getum og yfir höfuð munum leysa okkar mál sjálf. Ég veit að ástandið er ekki mjög gott núna, en það er ekki tilkomið vegna þess að við getum ekki gert betur. Það er tilkomið vegna þess að við gleymdum þeim gildum sem okkur ber að viðhafa til að eiga hér gott líf. Gildin um að forðast græðgi og öfund. Gildin sem segja okkur að við séum hluti af samfélagi og að við verðum að gæta þess að gjörðir okkar bitni ekki á þeim sem byggja þetta samfélag með okkur.

Styrkurinn til verka liggur hjá okkur sjálfum og engum öðrum. Við höfum kraftinn, getuna og segluna til að koma okkur úr þessu ástandi, við verðum bara að endurheimta trúnna á að við getum það. Við þurfum að átta okkur á því að það er ekki hvað við gerum heldur hvernig við gerum það.

Það er fjöldinn allur af einstaklingum sem eiga um sárt að binda vegna þessa ástands sem við nú búum við. Það er okkur lífsnauðsinlegt að við hefjumst strax handa við að hjálpa því fólki sem þarf hjálp og koma í veg fyrir að fleiri verði fyrir barðinu á ástandinu. Við þurfum að bregðast við núna, ekki einhvern tíman á næstu tveimur til fimm árum eftir að ESB hefur hleypt okkur inn.´

Tíminn til aðgerða er núna og við verðum að vinna verkið sjálf. Þannig mun okkur farnast best. Ég hef trú á okkur Íslendingum, trú á því að við munum ná okkur út úr þessu ástandi. Við getum allt sem við ætlum okkur, við verðum bara að hafa trúnna til þess.

Frávik veitt frá Maastricht-skilyrðunum

Athugasemdir

[Haraldur Hansson, 13.5.2009 kl. 09:51]

Þessi grein er hluti af þátttöku Moggans í ESB umræðunni, en stuðningur blaðsins við inngöng dylst engum.

Grikkir fengu á sínum tíma undanþágu vegna evrunnar og hagræddu tölum til að fá að vera með, auk undanþágu vegna skuldastöðu. Hvar standa þeir í dag?

Þeir eru með blýþunga evruna í fanginu sem þyngir samkeppnisstöðuna og það bitnar m.a. á sjóflutningum og ferðaþjónustu. Þeir tóku upp evruna án þess að hafa efni á því.

[Hjörtur J. Guðmundsson, 13.5.2009 kl. 09:54]

Seðlabanki Evrópusambandsins hefur hafnað því að veittur verði einhver afsláttur á skilyrðum þess að taka upp evru. Þess utan er lítið gagn í því að miða við fyrstu ríkin sem tóku upp evru. Nærtækara er að miða við ríkin sem tekið hafa upp evru og gengu í sambandið 2004. Þó er það ekki einu sinni neitt til að byggja á einfaldlega vegna þess að síðan hefur heimskreppa skollið á og evrusvæðið lent í gríðarlegum efnahagslegum erfiðleikum sem varla auka líkurnar á að veittar verði einhverjar undanþágur frá evru skilyrðunum.

[Jón Lárusson, 13.5.2009 kl. 10:05]

Það er áhugavert til þess að líta, að þegar ESB hefur verið spurt um þær undanþágur sem við leggjum áherslur á að fá, þá hefur þeim alltaf verið hafnað af fulltrúum sambandsins. Afhverju ætti það að breytast núna?