Og hvað hefur þetta með frið að gera?

Þegar ég las að hugsanlega yrði Alli Nóbelsverðlaunahafi í friði, þá hristi ég hausinn og taldi Akademíuna ekki svo takmarkaða. En viti menn, ekki er sú vitleysan til sem ekki getur orðið. Alli orðinn friðarpóstuli. En hvað hefur þetta tal hans um veðurfarsbreytingar að gera með frið?

Alveg óháð því hvort hann hefur rétt fyrir sér, nokkuð sem ég er ósammála um í stórum dráttum, eða ekki, þá hefur þetta ekkert með frið að gera. Eins og ástandið í heiminum er í dag, þá held ég að það sé fjöldinn allur af fólki sem vinnur að því að ná fram friði á öllum þeim óteljandi átakastöðum sem prýða þennan hnött, sem eigi þessi verðlaun miklu mun frekar skilið. Amatör veðurfræðingur er ekki sá sem ég hefði talið að væri sterkasti friðar kandidatinn. En pólitík er undarleg tík og þessi verðlaun ekkert annað en aumur rakki.

Alli er hins vegar með mjög gott sjóv í gangi. Ef allt fer eins og ég geri ráð fyrir, náttúrulegar sveiflur, og það fer að kólna eftir einhverja tugi ára. Þá getur Alli, eða fylgismenn hans ákallað hann og gert að bjargvætti mannkyns. Fari svo að sveiflurnar og hlýnunin haldi áfram og þetta verði rokna hitadæmi og allar þær katasroffur sem kynntar hafa verið til sögunar, skella á. Þá geta fylgismenn Alla barið sér á bróst og kennt hinum heimsku íbúum, sem ekki fylktu sér um Alla, um að svona hafi farið. Í alla staði, þá mun Alli standa eftir með pálmann, og Nóbelinn, í höndunum. Það er varla hægt að skrifa sig betur inn í söguna en þetta.

Leiða friðarverðlaun Gores til forsetaframboðs?

Athugasemdir

[Jón Lárusson, 12.10.2007 kl. 12:28]

Það er kannski rétt, að þetta séu svona meira "almenn" verðlaun frekar en eitthvað sérstaklega tengd frið. Þá væri náttúrulega kannski réttara að þetta væri kallað eitthvað annað. Svo er náttúrulega hugsanlegt að þetta ætti að heita mannúðarverðlaun Nóbels frekar en Friðarverðlaun Nóbels. Ég skal ekki segja um það.

Hins vegar held ég að miðað við efnið, þá ætti Alli að fá verðlaun í Eðlisfræði eða landafræði, þar sem mér finnst þetta heyra betur undir þá flokka.

[Jón Lárusson, 12.10.2007 kl. 12:32]

Auðvitað má kenna okkur og neysluvenjum okkar um, þ.e. ef þetta er alfarið af manna völdum. Ég velti því hins vegar fyrir mér, af hverju var spáð kuldakasti í kringum 1970, eða litlu ísöldinni, þegar mengun og CO2 útblástur var líklega meiri fyrir þann tíma, en eftir. Velti þessu bara svona fyrir mér. Hins vegar held ég að hugmyndir Alla komi til með að bitna meira á þriðjaheims ríkjum en þeim vestrænu og þá spyr ég mig um friðinn á þeim stöðum í kjölfarið.

[Jón Lárusson, 12.10.2007 kl. 13:03]

Varðandi að bregðast við, þá var sýnd mynd af húsi (reyndar hálfgerð blokk) Alla. Það var allt flóðlýst á nóttinni. Hvar er samkenndin þar.

Varðandi þriðja heiminn, þá er það þannig að hans eina von um þróun í atvinnuháttum, er að nýta sér óvinsæla orkugjafa svo sem kol og olíu. Með því að þvinga þá, í gegnum Kyoto eða aðra alþjóðasamninga, þá er verið að halda frá þeim möguleikunum á að komast úr örbyrgð til framfara. Það er vandamálið með þessum hugsunargangi Alla þegar litið er til þriðja heimisins.

[Bjartur (IP-tala skráð) 12.10.2007 kl. 13:05]

Skítt með veðurfarsbreytingarnar, það er heilsuspillandi að menga svona andrúmsloftið og bensín kostar meira ef rafmagn o.s.frv.  Því getur enginn neitað.

[Jón Lárusson, 12.10.2007 kl. 13:16]

Bensín er vissulega dýrara en rafmagn, en þegar litið er til þess að stjór hluti af því rafmagni sem framleitt er í heiminum, er framleitt með bruna á olíu eða kolum, þá lagast útblástur og mengun ekkert við það að taka upp rafmagnsbíla.

Ég get hins vegar alveg verið sammála þessu með CO2 og mengun loftsins. Held að það sé ríkari ástæða til að draga úr losuninni þess vegna, en út frá einhverjum forsendum ofurhitnunar.

[Bjartur (IP-tala skráð) 12.10.2007 kl. 13:59]

Mengun loftsins er ekki síður aðkallandi vandamál en sumir segja loftslagsbreytingarnar vera.  Samanber mengun í mörgum stæstu borgum heims og því full ástæða við að bregðast við af fullu afli sama undir hvaða formerkjum það er gert.

 Þeir einu sem berjast við að afsanna rökin, hvort sem það eru loftslagsrökin eða einhver önnur eru þeir sömu og hagnast mest, fjárhagslega, af menguninni þ.e.a.s. olíufélög heimsins.

 Varðandi rafmagnsbílana, ég er sammála því að mengun við framleiðslu rafmagns er mikil á heimsvísu, fyrst og fremst vegna gamals "infrastructure" en í fæstum tilvikum vegna þess að menn hafi ekki aðra úrkosti með núverandi tækni.  Vill ég bæti við að sama er uppi á tengingnum með framleiðslu vetnis, þar er heildarpakkinn aldeilis ekki svo umhverfisvænn ef allt er reiknað.  En tvinn bílarnir eru einnig vænlegur kostur, ekki síst vegna þess að þeir eru léttari í rekstri.

Því tel ég áríðandi að menn átti sig á að það eru engar "instant" lausnir til og fyrir mitt leyti fagna ég öllum skrefum í rétta átt, hve lítil sem þau kunna að vera, þó þau leysi ekki vandmálið strax á morgun.

[Jón Lárusson, 12.10.2007 kl. 13:59]

Hr. Slembinn: Ekki veit ég til þess að þú hafir hugmynd um það hvernig ég haga mínu lífi þannig að þú getir sagt að hegðun mín sé eitthvað vandamál. Ekki hef ég gagnrýnt þína hegðun, enda veit ég ekkert hvernig þú hagar þér.

Það sem ég er að segja, er að enginn hefur náð að fullvissa mig um að þessi hlýnun sé öll okkur að kenna. Getur þú það, þá mun ég að sjálfsögðu skipta um skoðun. Hitastig jarðar í dag er ekki neinn toppur. Hitinn á jörðinni hefur oft verið mun meiri. Það var meira að segja áður en maðurinn fór að menga umhverfið.

Jörðin tekur sífelldum breytingum og ganga þær yfir mis hratt. Ég er bara að segja að það er ekki búið að sannfæra mig um að þetta sé allt okkur að kenna og að við þurfum að breyta okkar lífsháttum til að stoppa þetta. Ég er til dæmis ekki mikið fyrir mengandi umhverfi, en það hefur ekki neitt með glóbal vorming að gera.

Þegar ég tala um þriðja heiminn, þá er ég að segja, að ef allir gerðu eins og Alli vill, þá myndi það hafa einhverjar breytingar í för með sér á lífsháttum vesturlandabúa, en það myndi koma í veg fyrir að þriðji heimurinn næði sér á strik. Það er það sem ég er að tala um.

Ég vil bara árétta það við þig hér og nú að ég stunda engar orkufrekar íþróttir eða störf og er til dæmis mjög andsnúinn þeirri álversvæðingu sem hér hefur átt sér stað. Ég er ekki fylgjandi auknum CO2 framleiðandi iðnaði en það byggir á örðum forsendum en glóbal vorming.

Ég er ekki viss um það að við það að flytja í helli og borða kaldan mat, þá sé ég að bjarga heiminum. Sorrý

[Fransman (IP-tala skráð) 12.10.2007 kl. 14:25]

"Hvað hefur þetta með frið að gera" ???

Hvað er verið að berjast um i Darfúr ?   ...........................  jú, vatn ! 

[Jón Lárusson, 12.10.2007 kl. 16:49]

Ég verð að viðurkenna að stjarnan í lokin kom ekki í veg fyrir að ég tók þetta til mín persónulega, en að persónugera mig og krefjast skýringa fyrir hönd vesturlandabúa er náttúrulega ekki í lagi.

Hins vegar vil ég benda á að ég fer reglulega á söfnunarstöðvar með pappa og dósir og annað sem þeir taka. Ég er búinn að eiga sama bílinn síðan 99 og er hann ekinn 107 þúsund km. Þessi km fjöldi inniheldur nokkrar ferðir norður og óteljandi Gullfoss Geysis hringi, fyrir utan að bifreiðinni var ekið frá Rotterdam niður að miðjarðarhafi og aftur til baka. Held að þetta sé bara ágætt miðað við meðal akstur bifreiða.

Ég er ekki sammála þér að umræðan um hvort þetta sé af okkar völdum, sé lokið. Þetta hljómar svona eins og Samfylkingarmenn og ESB umræða. Það er ekki búið að sanna eitt né neitt í þessu. Þú segir sjálfur að "næstum öll rök benda til þess".

Ég er hins vegar ekki þannig gerður að ég slóðist um. Ég ber, að ég tel, almennt heilbrigt viðhorf til þess að fara vel með það sem mannið er falið til notkunar. En ég þarf samt ekki að taka hvaða vitleysu sem er.´

Ég tel Alla ekki hafa verið þann sem átti þessi verðlaun mest skilið. Hafi svo verið, þá er ég hættur að skilja.