Er ekki kominn tími til að fara að gera eitthvað af viti?

Það er ótrúlegt að þessi ríkisstjórn skuli ekki átta sig á hlutunum. Hún er svo föst í lygavef IMF/AGS að hún er ekki að sjá vitleysuna í því sem verið er að leggja á borð fyrir fólk.

Jóhanna sagði að Íslendingar gætu kvatt Alþjóðagjaldeyrissjóðinn strax á morgun en vandi ríkissjóðs myndi ekki leysast við það. Til að bæta stöðu efnahagsmála þyrfti að fá lánsfé frá AGS og nágrannaþjóðum til að byggja upp gjaldeyrisforðann. Sú aðgerð stuðlaði að því að hægt væri að afnema gjaldeyrishöft og lækka stýrivexti. 

Í fyrsta lagi myndi vandi ríkissjóðs akkúrat leysast við að segja bless við IMF/AGS, enda þetta batterý ástæðan fyrir því að ekkert hefur verið gert hér af viti.

Í öðru lagi, þá þurfum við ekki þessi lán til að byggja upp gjaldeyrisvaraforðann. Það er aðeins ein leið til að byggja upp þennan forða og það er með því að flytja út meiri verðmæti en flutt eru inn í landið. Þetta verður ekki gert með lánum á korteri. Eign verður ALDREI til við skuldsetningu, ALDREI.

Í þriðjalagi, þá hefur það ekkert með gjaldeyrishöftin að gera hvort við höfum skuldsett okkur upp í rót til þess að geta geymt pening inni á banka í Bandaríkjunum. Þetta er gjaldeyrisvaraforði og á ekki að notast nema í neyð. Ef þetta væri hugsað til almennrar eyðslu, þá værum við í enn verri málum en ef ætlunin er bara að geyma þetta fjármagn ... það er ekki ætlunin að eyða þessu bara í vitleysu, er það?

Í fjórðalagi, þá breytir þetta engu með stýrivexti og í raun líklegra til að hækka þá en hitt. Við erum að eyðileggja lánshæfi okkar með þessum gífurlegu lántökum. Hver vill lána einhverjum ódýran pening ef hann varla höndlar að borga það sem þegar hefur verið "lánað"?

Nei, við eigum að hætta þessu rugli og ríkisstjórnin verður að átta sig á því að við þurfum ekki öll þessi lán. Það er hægt að minnka lántöku ríkissjóðs um 630 milljarða bara með því að taka ekki lán fyrir einhverjum ímynduðum gjaldeyrisvaraforða og með því að vera ekki að púkka uppá gjaldþrota banka. Látum þá fara á hausinn, þeir eru hvort eð er gjaldþrota.

Það er kominn tími til þess að hér komi að stjórn landsins fólk með lausnir og hugrekki til að framkvæma þær.

 

Niðurskurður er óhjákvæmilegur

Athugasemdir

[Robert (IP-tala skráð) 1.10.2009 kl. 11:06]

Alveg sammála!

[Ómar Geirsson, 1.10.2009 kl. 14:41]

Mæltu manna heilastur Jón.

Kveðja að austan.,

[Snorri Hrafn Guðmundsson, 1.10.2009 kl. 15:41]

Það er verið að búa til framtíðarhrun; eldar verða ekki slökktir með eldum.  Það er velt hægt að snúa hagkerfinu við, en á meðan hagfræðingar eru út um alla stjórnsýslu situr framtakið á hakanum. Hefur enginn tekið eftir því að hagfræðin er á bakvið öll hrun sem orðið hafa?

The Emperor’s Tailor: The Economists and the Crash of ‘98

"The failure to predict or even remotely comprehend the events of Autumn 1998 is staggering in its extent. On 30th August 1998 Time magazine polled 40 economists, of whom 39 concluded there was not going to be a world slump. Though this tells us almost nothing about the economy, it tells us a great deal about economists."

"Economists from the International Monetary Fund and the World Bank preach salvation through the market to the Third World … Yet economic forecasts are the subject of open derision. Throughout the Western world, their accuracy is appalling. Within the past twelve months alone, as this book is being written, forecasters have failed to predict the Japanese recession, the strength of the American recovery, the depth of the collapse in the German economy, and the turmoil in the European ERM."

 "Not just economics, but the whole of the social sciences, are voided of scientific content as a consequence. On the one hand, economics cannot explain the decisive phenomena of the epoch; on the other, it stands at the conceptual gateway of all the social sciences and deprives them of access to any alternative categories which migh permit them to explain these same events differently, and more scientifically."

Ég gæti haldið svona áfram endalaust. Það er ekki það sama að keyra tölur þvert ofan á aðrar og að vera á staðnum og framkvæma hlutina. Það er þetta sem vantar í aðgerðaráætlunina. Ég hef gaman að pælingum hagfræðinga og hef lært mikið af þeim, en þá skortir alvarlega markaðssýn - hvernig á að keyra tekjur upp á meðan gjöldum er haldið í lágmarki. Það hlutverk markaðsfræðinnar.

[Jón Lárusson, 2.10.2009 kl. 08:41]

Það að reyna að "laga" ástandið með því að hafa áhrif á afleiðingarnar, án þess að hugsa til orsakanna, er svona svipað og að fá sér sjúss gegn þynnku. Allar núverandi aðgerðir miðast við að "redda" kerfinu, kerfi sem er ekki að virka og getur ekki virkað. Höldum við áfram á þessari braut, þá erum við að sjá batnandi árferði eftir um fimm til sjö ár með fjárfestingabólu í kjölfarið, sem leiðir svo til annars hruns. Þar með heldur áfram hringferðin þar sem við aukum skuldir okkar og töpum eignum.

Það er ekki hægt að leysa verkefnin án þess að líta til rótarinnar. Við búum við kerfi sem getur aldrei verið okkur til hagsbóta og því er eina leiðin að skipta algerlega um fjármagnskerfi. Við þurfum að taka upp nýja hugsun gagnvart peningum og hver raunverulegur tilgangur þeirra er. Það er kominn tími til að tekið verði tillit til hagsmuna heildarinnar í stað þess að sérhagsmunir séu látnir ráða.

Í fáránleika tilverunnar, hafa ráðamenn ekki áttað sig á því að með því að gæta hagsmuna heildarinnar eru þeir að gæta hagsmuna sjálfra sín. Almenningur er stoð sérhvers samfélags. Sterkir einstaklingar þýða sterkt samfélag og sterkt samfélag er til hagsbóta fyrir alla þegna þess.

[Snorri Hrafn Guðmundsson, 2.10.2009 kl. 10:55]

Gæti ekki verið meira sammála.  Rótin er lykillinn að viðsnúningi.

Á meðan skorið er niður hist og her er yfirbygging vegna stjórnvalda að aukast jafnt og þétt.  Það eru of margir þingmenn, of margar nefndir - of mikið af óþarfa í stjórnsýslunni.

Hvað er land með 300 þúsund íbúa að gera með alla þessa þingmenn? 9 myndu duga.

Fjármálakerfið er svo meingallað að hálfa væri nóg. Lán til þess að laga lán endar í annarri og stærri kreppu og hvað þá?  Stærri lán?

Svo er gengið á eftir litlu aðilunum á meðan sumir geta hreinlega kveðið það vera óábyrgt að borga. Þetta gengur ekki upp. Eitt sinn lögðu kvenmenn niður störf að stöðvuðu hjól atvinnulífsins. Hvað myndi gerast ef landsmenn allir gerðu slíkt hið sama?

Fjárlagafrumvarpið getur vel orðið kveikjan að slíku, því ég hef aldrei séð annað eins jólakort.

[Jón Lárusson, 2.10.2009 kl. 12:21]

Fjárlagafrumvarpið er um margt forvitnilegt, en ég hjó til dæmis eftir því í Kastljósi að fjárveiting til Alþingis og utanríkisráðuneytis eykst meðan skorið er niður í grunnþjónustu. Steingrímur henti lofti fjárveitingu utanríkisráðuneytisins og bent á að megnið af kostnaðinum þar er gengistengdur þar sem þetta er jú utanríkis ráðuneyti. Hins vegar var stjórnandi Kjastljós þáttarins ekki nógu vakandi því hann hefði átt að ítreka spurninguna og vísa þá í Alþingi. Hvar liggur kostnaðaraukinn þar, tók það erlent kúlulán sem á að greiðast á næsta ári?

Fjármálakerfið er rót vandans, þar verður að höggva á. Ef við skoðum allt í kringum okkur, þá erum við í ástandi sem er algerlega peningalegs eðlis. Öll verðmæti eru til staðar og ekkert raunverulegt tjón orðið. Það eina sem þarf er að koma fjármagni í umferð og laga skuldastöðu einstaklinga. Þetta er hægt að gera án þess að taka eina krónu í lán og án þess að það "kosti" nokkurn skapaðan hlut. Það þarf bara einstaklinga með hugrekki til að taka á þessu og hafna hótunum útlendinga og hagsmunaaðla.

[Snorri Hrafn Guðmundsson, 2.10.2009 kl. 13:11]

Ef þú ert með netfang gæti ég hleypt þér inn í upplýsngabanka sem hefur m.a. að geyma talnaefni frá BIS, IMF, Eurostat, og SÍ.  Er auk þess að LinkedIn.