Enn er hægt að segja NEI!!!

Það er ekki of seint að segja nei. Þingheimur verður að átta sig á því að honum BER að gæta hagsmuna Íslendinga, ekki erlendra áhættufjárfesta. Þingheimur verður að átta sig á því að hann hefur verið hafður að fífli af landstjóra IMF, en sá landstjóri gætir ekki hagsmuna Íslendinga, heldur er hans verkefni að gæta hagsmuna erlendra fjárfesta. Það er allt of mikið af óvissu í kringum allt þetta Icesave umhverfi að við getum ekki fyrir nokkurn hlut afgreitt þetta mál núna. Það er lágmark að allt í kringum Icesave verði kyrfilega skoðað áður en einhverjar ákvarðanir verði teknar um framhaldið og einhverjir samningar frágengnir.

Til árherslu eru hér nokkur atriði sem ættu að vekja upp spurninga hjá þingheimi.

IMF segir nauðsynlegt að byggja upp gjaldeyrisvaraforða með skuldsetningu ríkisins. Hvernig getur eign myndast með skuldsetningu, sérstaklega þegar vaxtatekjur eru lægri en vaxtagjöld. Þetta leiðir aðeins til eins og það er eignarýrnunar fyrir íslenska ríkið. Aukin skuldsetning með minnkandi eignarstöðu getur ALDREI styrkt krónuna. Aðeins eignarmyndun styrkir krónuna. Þetta er því argasta bull og aðeins til þess fallið að gera íslenska ríkið háð erlendum ríkjum, sem þá geta ráðskast með hagsmuni okkar í valdi lánadrottinsins. Hvernig getum við haldið úti sjálfstæðri utanríkisstefnu með slíkum formerkjum, eða er það hvort eð er ekki hugsun ríkistjórnarinnar.

Öll áhersla er lögð á að byggja upp bankana, alla þrjá, til þess eins að gefa þá erlendum áhættufjárfestum. Þetta er gert að skipan IMF, en dagskipunin er gefin undir þeim formerkjum að þannig sé hægt að bjarga einstaklingum og fyrirtækjum. Hvernig geta bankar bjargað nokkrum sköpuðum hlut? Það eina sem bankarnir geta gert er að auka við skuldsetningu almennings og fyrirtækja og því ekki á leið með að hjálpa einum né neinum. Það eina sem kemur út úr þessu er að bankarnir ganga að veðum einstaklinga og fyrirtækja, þ.e. taka yfir fyrirtækin. Þetta er mjög ógnvekjandi hugsun, sérstaklega þegar litið er til þess að gefa á bankana til útlendinga. Hvað með sjávarútveginn, landbúnaðinn og bara allan iðnað yfir höfuð. Íslenskt atvinnulíf verður hirt upp af útlendingum sem fá þetta allt frítt í nafni trúverðugleika, en einhverja hluta vegna þá er það nauðsynlegt fyrir okkur að ábyrgjast áhættufjárfestingar útlendinga. Af hverju skildi Bandaríkjastjórn ekki hafa verið krafin um bætur fyrir gjaldþrot bandarískra banka, s.s. Lehmans Brothers?

Hvernig dettur nokkrum heilvita manni í hug að með því að skuldsetja okkur þannig að við getum vart staðið undir vaxtagreiðslum, hvað þá afborgunum, að nokkur muni vilja lána okkur pening. Hugsið aðeins um þetta og þá sjáið þið vitleysuna í þessu. Sem einstaklingur sem ekki getur staðið í skilum, er þér ekki veitt meira lán. Bankinn gengur bara á veðin.

Þingheimur hefur verið dregin á asnaeyrunum til hagsmunagæslu fyrir erlenda fjárfesta. Hagsmunum þjóðarinnar er fórnað fyrir eitthvað sem ég fyrir mitt litla líf get ekki ímyndað mér hvað er. Þingheimur þarf að setja Icesave og ESB á ís og fara að sinna því sem hann var kosinn til, að gæta hagsmuna almennings. Þingheimur þarf að gera eftirfarandi.

Færa lánskjaravísitöluna aftur til þess sem hún var í febrúar mars 2008, en það hefði ekki nokkuð einasta tap í för með sér. Ef bankarnir fara að röfla um tap, þá skal þeim bent á að þetta sé eins og á hlutafjármarkaði, verð hlutafjár hoppar upp og niður, en allur "hagnaður" er pappírshagnaður, ekki raunverulegur. Hin gífurlega hækkun lána sem fylgdi í kjölfar hækkunar vísitölunnar hafði ekki neinn kostnað í för með sér fyrir lánveitendur og því ekki um tap að ræða hjá þeim. Reyndar hefur ríkistjórnin notað vísitöluna í kaldranalegri árás sinni á almenning bönkunum til hagsbóta, enda hækkun vístölunnar engöngu til þess fallin að bæta "eignastöðu" bankanna.

Viðurkenna þá staðreynd að bankarnir séu kapút og láta þá falla á hliðina. Stofna svo einn miðlungsstóran banka sem tekur yfir bankaviðskiptin, við þurfum ekki meira. Alla vega ekki þrjá stóra banka.

Taka verður upp nýtt og heilbrigðara fjármálakerfi sem byggir á eignarmyndun en ekki skuldsetningu eins og kerfið er í dag. Þetta tekur ekki nema örfáa mánuði og með alvarlegum vilja þingheims væri hægt að bæta kjör almennings og fyrirtækja fyrir árslok þannig að sjáanlegur árangur væri kominn fram næsta vor.

Vil svo benda fólki á að lesa eftirfarandi:

http://socialcredit.blog.is/users/ed/socialcredit/files/go_sogn_peninga_afhjupu.pdf 

http://jonl.blog.is/users/dd/jonl/files/lysing_leo_tolstoy_a_skuldaanau_fidjibua.pdf 

 

Funda um Icesave

Athugasemdir

[Már (IP-tala skráð) 25.8.2009 kl. 01:54]

Frábær pistill hjá þér.

Ég verð samt sorgmæddur þegar ég hugsa til þess hvað ótrúlega margir Íslendingar vita ekki þessa einföldu staðreind.

Þeir sem eiga bankana eiga landið. Útlendingar eru að eignast bankana hægt og bítandi.

Þetta er ekki kennt í viðskiptafræði. Þessvegna sjá viðskipta og hagfræðingarnir okkar ekki í hvað stefnir.

Það vantar kaflan um efnahagslegar árásir á þjóðir.

[Jón Lárusson, 25.8.2009 kl. 08:27]

Vandinn við viðskiptafræðina og hagfræðina er að þessi fög eru kennd í háskólum sem flestir eru "styrktir" af fjármálafyrirtækjum. Til dæmis er hin ríkjandi hugmyndafræði hagfræðinnar, um að hagsældina eigi að skuldsetja í krafti bankanna sú hugmyndafræði sem hvað mestan skaða hefur valdið samfélögum manna.

Ég hef líka velt fyrir mér hagfræðinni sem vísindagrein. Það er alltaf verið að troða stærðfræði inn í einhver líkön sem eiga að segja til um það hvernig hagkerfið þróast. Samt er það nú þannig að hagkerfið þróast út frá viðbrögðum einstaklinganna innan þess og þeir haga sér alls ekki eftir stærðfræði, en þar er tilfinningasemin ríkjandi. Hagfærðin ætti miklu frekar að vera kennd sem heimspekifag frekar en stærðfræðifag. Ég held að með slíkri skilgreiningu myndi hagfræðin fara að koma með betri greiningar og fólk myndi átta sig betur á takmörkunum hennar.

Varðandi efnahagslegar árásir á þjóðir, þá bendi ég á myndir eins og Zeitgeist og aðrar svipaðar myndir sem hægt er að sjá á Google video og Youtube.

[Guðmundur Ásgeirsson, 25.8.2009 kl. 09:44]

Zeitgeist: Addendum, var sýnd á RÚV á sl. miðvikudag. Verður vonandi endursýnd bráðum. Það er nauðsynlegt að fólk vakni og átti sig á því hvernig sífellt er verið að svipta okkur frelsinu gegnum peningakerfið.

[Jón Lárusson, 25.8.2009 kl. 10:53]

Auðvitað þarf að endursýna Zeitgeist, enda kannski erfitt fyrir fólk að átta sig á því hvað þar er verið að fjalla um, ef ekki er textað. Hins vegar mætti senda í tölvupósti tengilinn http://video.google.com/videoplay?docid=7065205277695921912 svo sem flestir geti horft á hana.

[Jón Lárusson, 25.8.2009 kl. 10:56]

Hér er svo annar áhugaverður þáttur http://video.google.com/videosearch?q=money+masters&emb=0 en þar er farið yfir peningasöguna í grófum dráttum og svo hvernig bankarnir eru að taka allt yfir í dag.