Velferðadraumar

Það sem vakti athygli mína við lestur greinarinnar, var upphafið:

Can Iceland and Latvia pay the foreign debts run up by a fairly narrow layer of their population? The European Union and International Monetary Fund have told them to replace private debts with public obligations, and to pay by raising taxes, slashing public spending and obliging citizens to deplete their savings.

Það kemur skýrt fram hjá Michael Hudson, hvaða "kröfur" hafa verið settar fram, af hverjum og hvernig standa á undir þeim. IMF og ESB hafa, ásamt "vinum" okkar gert kröfur sem munu leggja þjóðfélagið í rúst. Kaldhæðnin sem liggur í undirlægjuhætti Steingríms J. sem reynir að halda saman fyrstu hreinu vinstrisinnuð ríkistjórn landsins sem byggir á "norrænni velferð", kemur fram í því að með gífurlegum skattahækkunum, samdrætti í þjónustu ríkisins og upptöku á sparnaði einstaklinganna, verður ekkert "norrænt velferðasamfélag". 

Hegðun Steingríms J. leiðir sjálfkrafa til þess að draumar hans munu ekki rætast. Það verður engin velferð, hvorki norræn eða öðruvísi, og ríkistjórnin mun fara frá fyrr en síðar. Sagan mun svo dæma Steingrím J. í samræmi við afleiðingarnar sem hann kemur til með að skilja eftir sig. Það er takmarkað hvað hægt er að kenna öðrum um eigin heimsku. Ekki það að ekki hafi verið heimskar stjórnir fyrir Steingrím J., en það réttlætir ekki hans heimsku. "Good cop, bad cop" leikrit Steingríms J. og Ögmundar hefur hingað til haldið lífi í VG, en þegar fólk áttar sig á því að það hefur verið haft af fíflum, þá mun viðhorfið til flokksins breytast og hans verða minnst sem sá flokkur sem einna hraðast hefur náð að stinga kjósendur sína í bakið. 180° viðsnúningur VG hefur verið lýginni líkast og vafasamt að nokkur flokkur komi til með að slá það met á næstunni.

Fleiri fari að dæmi Íslands

Athugasemdir

[Guðbjörn Guðbjörnsson, 17.8.2009 kl. 07:47]

Þú ert sá fyrsti - fyrir utan sjálfan mig - sem áttar sig á því að auðvitað eru VG með tvískinnungshátt í Icesave málinu og ESB málinu, sem þeir leysa með því að láta hluta þingflokksins vera mikið á móti og æsa sig hræðilega upp, en fallast síðan á málamiðlunartilraun eða hreinlega greiða atkvæði á móti ef þingmeirihluti er hvort eð er fyrir málinu líkt og í ESB málinu. "Good cop/bad cop" samlíkingin er síðan hrein snilld!

Framsóknarflokkurinn er reyndar að beita sömu aðferðafræði! 

Auðvitað áttar fólk sig á þessu á endanum!

Næsta mál sem þeir beita "Good cop/bad cop" aðferðinni á verður stóriðjan!

[Jón Lárusson, 17.8.2009 kl. 08:40]

VG og Samfylkingin hafa dregið almenning á asnaeyrunum síðan þau sviðsettu "búsáhaldabyltinguna" í vetur. Þessir flokkar hafa unnið þetta af hreinni snilld og væri frábært ef þeir hefðu beitt sér jafn vel í að vinna að hag almennings. Því miður hefur þeim ekki tekist það og er ég hræddur um að við munum líða fyrir það.

Er reyndar hræddur um að allir flokkar á þingi séu í einhverskonar smjörklípukeppni, enda virðast þeir allir skíthræddir við IMF, einhverra hluta vegna.