Hverjir eru íslensku hagsmunirnir?

Ég velti því fyrir mér hverjir séu íslensku hagsmunirnir sem Össur talar um. Ég er ekki viss um að við séum sammála því, þar sem ég er andsnúinn því að ganga í ESB og vill frekar að við brettum upp ermarnar og byrjum að vinna okkur úr ástandinu, á meðan hann vill ganga í ESB og telur að þannig verði öll okkar vandamál úr sögunni.

Hvort slíta beri sambandinu við Breta má kannski deila um, þó svo að ég telji hæpið að vera stjórnmálasambandi við þjóð sem er í stríði við okkur (lýsir okkur hryjuverkamenn og hefur lýsti yfir stríði á hendur þeim sömu mönnum). Við verðum hins vegar að átta okkur á því að við getum ekki gefið eftir í þessu máli. Bara engan vegin. Það tjón sem lögin ollu okkur, hafa að mínu viti gengið langt til greiðslu þess sem Bretarnir heimta.

Við eigum að sjá til þess að hegðun Breta berist sem víðast, því ekki eru Bretar alstaðar auðfúsugestir. Að ætla að "leysa" þetta í "reykfylltum bakherbergjum" er ekki okkur til framdráttar. Við verðum að hafa þetta fyrir opnum tjöldum, galopnum og sjá til þess að það sé á vitorði allra. Bretar blaðra í aðra, hvað við séum slæm, en með því að láta það viðgangast, erum við að festa í sessi orðspor sem er bara rangt.

Við höfum ekkert gert sem við þurfum að skammast okkur fyrir, stöndum stollt og vinnum að velferð okkar á okkar eigin forsendum.

Ekki í þágu íslenskra hagsmuna

Athugasemdir

[Valsól (IP-tala skráð) 9.5.2009 kl. 15:52]

Hagsmunir okkar í Bretlandi eru nánast engir, nema bara að þetta er helsta viðskiptaland íslendinga.

[Jón Lárusson, 9.5.2009 kl. 20:55]

Bretar hafa lengi verið eitt helsta viðskiptaland okkar. En gæði viðskipta miðast ekki við magn þess sem selt er heldur hvað við fáum út úr viðskiptunum. Ef við eigum að borga einhverja miljarða umfram það sem við hugsanlega erum að fá í tekjur frá þeim, þá er spurning um það hvort við eigum ekki að leita annað. Svo er spurning hvort hagsmunirnir liggi í ESB aðild, en þá má búast við að Bretarnir bara veiði sjálfir fiskinn og borgi okkur ekki neitt.

Lykilatriðið í að viðhalda lífsskilyrðum hér á landi er að dreyfa tekjuliðunum þannig að við verðum ekki háð einum aðila eða einu landi. Við getum ekki unnið að okkar málum ef við verðum alltaf að lúta í lægra haldi fyrir þeim sem á okkur vilja ráðast.

Við verðum að leggja mat á hagsmuni okkar hjá Bretum. Eru þeir okkur slík lífsnauðsyn að við verðum að lúffa fyrir þeim til að halda lífi. Ef svo er, þá erum við í vondum málum og verðum að hefjast strax handa við að koma okkur úr þeim aðstæðum.