Sæluríkið Ekkert Svo Betra

Þá er Spánn komið í fréttirnar hérna heima. Írland hefur laumast af og til og ESB sinnar hafnað því sem ekki svo slæmu tilfelli og einhverri undantekningu. Ríkin sem bent var á sem dæmið um það hvernig smáríki högnuðust á Euro aðild eru nú að hrapa til jarðar. Þessi ríki standa núna frammi fyrir þeim staðreyndum að þau geta ekki beitt sértækum aðgerðum til að hafa áhrif á efnahagslífið og að þau eru reyndar alveg föst í neti ESB, neti sem svo er ekki að koma að gagni í erfiðleikum. Það er nefnilega þannig að samkvæmt reglunum á Euro svæðinu þá má ekki koma til aðstoðar öðrum ríkjum með sértækum aðgerðum.

PIGS ríkin (Portugal, Irland, Grikkland og Spánn) standa núna frammi fyrir því að efnahagslegar umbætur miðast við ákvarðanir sem í öllum tilfellum miðast aðstæður í hinum stóru ríkjum Evrópu, ríkjum sem líka eru á fallandi fæti. Ég var í Róm um páskana og þá voru þar mótmæli 2,7 milljóna manna sem voru að mótmæla "aðgerðaleysi ríkistjórnarinnar" (kannast einhver við að hafa heyrt þetta áður) og í Frakklandi, þar sem ég var líka um páskana, er ástandið slíkt að kveikt hefur verið í fyrirtækjum og forstjórar teknir í gíslingu vegna uppsagna og lokunar fyrirtækja. Það er stutt í að Frakkland falli ásamt Bretlandi, Ítalíu og Austurríki auk þess sem restin af Evrópu er á brauðfótum. Þá verður forvitnilegt að sjá hvernig samstaða ESB ríkjanna verður þar sem ríkin búa við mismunandi forsendur efnahagsbata.

Við erum að kvarta undan því sem er að gerast hjá okkur núna, en við eigum eftir að prísa okkur sæl yfir því að hafa ekki verið í Sambandinu.

Efnahagshrunið á Spáni

Athugasemdir

[Kristinn Sigurjónsson, 26.4.2009 kl. 12:28]

Hvað skyldi Samfylkingin trúa því lengi að ESB muni bjarga okkur, á meðan þeir eru sjálfir að brenna.   Eru þetta ekki takmörk bjartsýninnar ?

[Árni Björn Guðjónsson (IP-tala skráð) 26.4.2009 kl. 12:42]

Efnahagsástandið á Spáni hefur ekkert með evruna að gera. Það er heimskulegt að álykta það. það var peningabóla um alla Evropu eins og á Islandi. Það hefur enginn svarað þvi hvaðan peningarnir komu.

[Kristinn Sigurjónsson, 26.4.2009 kl. 12:53]

Af hverju bjaragar ESB ekki Spáni, Írlandi, Ítalíu Grikklandi.

Hvað er sameiginlegt með Danmörku, Svíþjóð eða Finnlandi,  fiskveiðar, bílaiðnaður, landbúnaður olía

Ég vil benda á Blogg Árna Vilhjálmssonar slóð: http://vilhjalmurarnason.blog.is/blog/vilhjalmurarnason/entry/858983/
um hrun lítilla gjaldmiðla.  Það er ekki vegna smæðar heldur spillingar.

Ástand gjaldmiðilsins er okkur sjáfum að kenna og ESB bjarga því ekki,  enda bannað innan ESB.   Það sem gæti bjargað okkur er 

[Jón Lárusson, 26.4.2009 kl. 13:12]

ESB kemur til með að þurfa að beina allri sinni athygli að slökkviliðsstarfi innanbúðar og því ekki líklegt til að standa í því að taka okkur inn. Eina ástæðan fyrir því að þeir myndu ræða við okkur, væri að við hefðum stöðugt hagkerfi og kaupgetu til að nýtast þeim í uppbyggingu. Ég held því að viðræður í dag séu því ekki líklegar.

Ég er ekki að sjá að Ísland eigi meira sameiginlegt með Danmörk, Svíþjóð og Finnlandi. Það eina sem við eigum sameiginlegt er formið á fánunum okkar. Aðstæður á Spáni og Írlandi eru mun líkari okkar en hjá hinum norðurlöndunum. Við erum ríki sem vorum frekar fátæk þar til fyrir stuttu og höfum búið við mikkla uppsveiflu sem hefur að miklu leiti miðast við innspýtingu erlends fjármagns og byggingastarfssemi.

Við þurfum að horfa vel til PIGS, en það mun veita okkur alla þá vitneskju sem við þurfum til að átta okkur á því hvaða hag við munum hafa að inngöngu í ESB.

[Jón Lárusson, 27.4.2009 kl. 11:08]

Árni, það er vissulega rétt að ástandið á Spáni er ekki euro að kenna, frekar en ástandið á Íslandi sé krónunni að kenna. Þetta er ástand sem á rætur sínar að rekja til lánafyrirkomulags í Bandaríkjunum. Afleiðingarnar koma við alla, hins vegar er það aðild Spánar að ESB sem gerir þeim erfiðara fyrir að laga ástandið. Einnig sýnir þetta að það hjálpar þeim ekkert að vera með euro, frekar en að það myndi hjálpa okkar að taka myntina upp. Hvaðan peningarnir komu, þá er það einfaldlega þannig að þeir voru bara búnir til í bankakerfinu. Það voru eingin verðmæti á bak við þá og þess vegna erum við að fara í gegnum þessa leiðréttingu.