Mikilvægi hlutanna

Það er ótrúlegt til þess að hugsa að ríkisstjórnin, sem í öðru orðinu hrópar á aðhald og niðurskurð nauðsynlegrar þjónustu, skuli í hinu vera að hringsóla um Evrópu í viðleitni sinni til að sækja um aðild að einhverju sem fáir Íslendingar vilja nokkuð með að hafa, kostandi ríkið milljarða. Er ekki einhver bilun hér í gangi.

Fyrir þá sem vilja gagnrýna þá sem ekki eru fylgjandi aðild að ESB, þá vil ég bera fram eftifarandi áðstæður fyrir því afhverju ég er persónulega þeirrar skoðunar að við sem þjóð höfum ekkert þangað inn að gera.

1. Afsal fullveldis. Þetta er einhver helsta ástæðan fyrir því að ég tel að við eigum að halda okkur frá ESB. Sú fullyrðing stuðningsmanna ESB að þetta sé styrking á fullveldinu er ekki bara bull heldur dæmi um fávisku, ef þeir virkilega trúa henni sjálfir. Þegar reynt er að færa rök fyrir því að þetta sé ekki fullveldisafsal, þá er það gert með annarri spurningu, eru Frakkland, Spánn og önnur ESB ríki ekki fullvalda, "engum dytti í hug að halda slíku fram". Svona til að skjóta þetta niður, þá vil ég halda því fram að þessi ríki séu í raun ekki fullvalda, þó því sé haldið fram á hátíðarstundu. Hvernig skýri ég það (fyrir utan að hafa heyrt þessu fleygt fram af íbúum ESB):
   1. Afsal fjárræðis. Með kröfum ESB um aðkomu að stjórnun fjármála, skattlagningu og slíku vegna aðkomu að euro samstarfi, þá eru ríkin í raun ekki sjálfstæð. Þau hafa ekki sambærilegan sveigjanleika og önnur ríki með sjálfstæðan gjaldmiðil, Eystrasalstlöndin, Írland og Grikkland eru gott dæmi um þetta. þegar svo lönd eins og Portugal eru þvinguð til að taka lán með 5.5% vöxtum til að lána öðru ríki með 5% vöxtum, þá sýnir það bara að þau hafa ekki einu sinni frelsi yfir skuldsetningum sínum. Þau eru föst.
   2. Afsal forræðis utanríkismála. Með nýjum ráðherra utanríkismála (ein fyrsta ráðherrastaðan innan ESB) hefur verið fest í gildi ein af helstu áherslum Lissabon sáttmálans, sameiginleg utanríkisstefna ESB. Þessu fylgir að aðildaríkin MEIGA EKKI taka sjálfstæða afstöðu, þau verða að fylgja línunni frá ESB. Þetta er ástæðan fyrir "undarlegum" ákvörðunum "vinaþjóða" okkar á norðurlöndunum, þegar kemur að afstöðu til okkar. Þetta ber meðal annars með sér kröfu Þjóðvera, eða "vinsamleg tilmæli" til tilvonandi aðildaríkis um að vinna gegn hagsmunum okkar innan hvalveiðiráðsins. Með inngöngu verðum við að gangast undir ákvarðanir ESB í utanríkismálum, hvort sem það hentar okkur eða ekki.
   3. Afsal réttarins til lagasetningar. Inngöngu í ESB fylgir afsal til lagasetningar, lagasetningar sem nær til sífellt fleiri atriða og mun verða algilt með fullnustu Lissabon sáttmálans. Ef íslensk lög stangast á við ESB lög, þá munu ESB lög gilda. EES samningurinn hefur að vísu tekið af okkur mikið af lagasetningaréttinum, en við höfum þó enn möguleika á að setja þau lög sem við teljum henta okkur. Aðild að ESB gerir þetta að engu.
2. Afsal auðlinda. Alveg sama hverju er haldið fram, þá vilja Spánverjar og Englendingar komast yfir fiskimiðin okkar og það mun ekki vera hægt að stöðva það, komi til aðildar. Allt tal um varanlegar undanþágur er merki um þekkingarskort, hreina óskhyggju, eða eitthvað þaðan af verra. Með Lissabon sáttmálanum kemur svo möguleiki ESB til að taka yfir auðlindir ef það er vegna hagsmuna sambandsins. Þetta er áhugavert að hafa í huga þegar Ísland er talið búa yfir einhverjum mestu vatnsbirgðum í Evrópu og vatnsskortur er næsta viðvarandi í sumum löndum sambandsins. Þeir sem vilja halda öðru fram, skulu bara horfa til annarra samninga og yfirlýsinga frá Brussel. Það er ekki samið um undanþágur við inngöngu, bara aðlögun.
3. Krafan um að við göngum að kröfum Breta og Hollendinga. Það verður aldrei samið við þessi lönd svo lengi sem við ætlum inn í ESB. Þeir segja borgið á okkar forsendum, sama hversu fáranlegar sem þær eru. Þegar svo Össur segir þetta vera frasa til innanlandsnotknurnar og þeir geti hvort eð er ekki stoppað okkur inn þar sem við höfum svo marga "vini" þarna inni, þá er það vottur um þekkingarleysi Össurar eða bara hreinar lygar. Það er einfaldlega þannig að ÖLL ríkin verða að samþykkja aðild, þannig að Breta eða Hollendingar geta einir og sér stoppað okkur af. Þannig að viljum við inn VERÐUM við að leggjast í svaðið. Verði gengið af framsettum kröfum Breta og Hollendinga, þá mun Ísland aldrei bíða þess bætur og ENGINN hagur af sambandinu mun nokkurn tíma bæta okkur það upp. Hræðsluáróður, nei bara staðreynd.
4. Engin lausn í þessu fólgin. Jafnvel núna hafa ESB aðildarsinnar farið að viðurkenna það að í aðild felist engin galdralausn. Það er alveg rétt, nema þetta er ekki bara spurning um galdralausn, heldur bara einfalda lausn. Hún er ekki heldur til staðar. Til að við getum tekið upp euro, þá verðum við að vera búin að leysa öll þau "vandamál" sem við viljum að euro aðild leysi. Þannig að til að geta tekið upp euro, þá verðum við að sýna fram á að við þurfum ekki að taka upp euro, hversu vitlaust er það. Því hefur verið hent fram að með inngöngu í ESB þá fáum við það fjárhagslega aðhald sem við þurfum, en þegar bent er á Grikki, þá er sagt að það sé ekki neitt fjárhagslegt aðhald innan ESB, menn verða nú að ákveða sig hvort er. Einnig er vísað til þess að við losnum undan heimskum stjórnmálamönnum, en er betra að vera undir hugsanalausum bjúrókrötum í Brussel sem gæti ekki verið meira saman um hvað verður um okkur hér lengst í r....... Þeir hafa hvort eð er fengið yfirstjórn hafsvæðisins og aðgang að auðlindunum. Þurfa ekki meira.

Sem sagt ýmislegt, en í grunninn þessi spurning. Einstaklingur sem ekki ræður fjármálum sínum, ræður ekki við hverja hann vingast, getur ekki ákveðið hvað sé rétt eða rangt (hefur ekki áhrif á það sem ræður lífi hans) getur hann talist frjáls einstaklingur. Það sama á við um ríki, geta þau talist fullvalda ef þau ráða ekki fjármálum sínum, utanríkisstefnu eða lagasetningu. Í mínum huga er þetta ekki flókið.

Við höfum annað og mikilvægara við tímann og fjármagnið að gera en að standa í þessari inngöngu.

Ræddu um skipulag aðildarviðræðna

Athugasemdir

[Ingibjörg Guðrún Magnúsdóttir, 9.7.2010 kl. 17:20]

Ég er svo sammála þér Jón og þar sem að það er til peningur í þetta þá er til peningur fyrir þjóðaratkvæðagreiðslu um það hvort ÞJÓÐIN vilji halda áfram í þessum viðræðum þar sem það er orðið ljóst að Auðlindir okkar er það sem ESB vill og að við borgum skuldir þeirra þar ofaná helst líka segi ég. Þetta er þvílík svívirða sem er verið að bjóða okkur af okkar eigin Ríkistjórn. Er ekki hægt að safna undirskriftalista til að fá þennan rétt okkar sem Jóhanna Sigurðardóttir lofaði Sjálfstæðisflokknum og Þjóðinni til að hún fengi það samþykkt svo þessar aðildarviðræður færu í gang 2. Þjóðaratkvæðagreiðslum... Fáum aðra þeirra STRAX áður en lengra er haldið... Hversu mikið er hægt að snúa með þetta allt til baka þegar þjóðin segir svo vilja sinn sem er stórt NEI...

[Jón Lárusson, 9.7.2010 kl. 17:33]

Vandi Jóhönnu liggur til þess að hún er að vinna að einhverju sem meirihluti þjóðarinnar vill ekki.

Þegar svo litið er til þess að ESB er svo að opna sendiráð sem að sjálfsögðu kemur til með að taka þátt og fjármagna áróður sér til handa, þá er nauðsynlegt að allir taki til máls og verði meðvitaðir um það sem er þarna á ferðinni.

[Njörður (IP-tala skráð) 9.7.2010 kl. 17:41]

Góð samantekt.

Aðildarsinnar hafa staðfastlega neitað öllum þessum atriðum þrátt fyrir að allt liggi þetta ljóst fyrir og viðurkennt af embættismönnum ESB og aðildarlöndum þess. Mótrökin eru engin önnur en að trúa á töfraduftið í ESB. Ekki er hægt að amast út í að fólk sem trúir á álfa trúi á ESB, en hinir hafa sér fáar málsbætur.

Það er ekkert fyrir okkur í ESB... ekkert. Vandræði ESB hafa aldrei verið meiri og framtíð þess aldrei verið dekkri. Framtíð okkar íslendinga er hins vegar björt utan ESB enda höfum við nóg í okkur og á auk frelsis til að eiga viðskipti við fleiri þjóðir en innan ESB. Slíkt á ekki að vera einhver pólitísk skiptimynt fyrir firrta stjórnmálamenn sem hugsa bara um afturendann á sjálfum sér.

[Ragnar Gunnlaugsson, 9.7.2010 kl. 21:05]

Fær kannski Samfylkingin hluta af 4. miljörðunum.?

[Brynjar Þór Guðmundsson, 9.7.2010 kl. 22:04]

Tókstu Jón eftir því þegar ESB samþygti viðræðurnar, að þá sögðu þeir "...og meigji aðildaviðræðurnar verða ábótasamar fyrir Evróska sjómenn og neytendur...............................og kanski líka Íslendinga". það er nokkuð ljóst hvað ESB vill

[kallpungur, 10.7.2010 kl. 02:59]

Smá viðbót í umræðuna:

http://www.youtube.com/watch?v=tgZrTjD1Te8

http://www.youtube.com/watch?v=994ygMZ6SlA

Ætli þetta sé Satt? Hvað haldið þið?

[Jón Lárusson, 17.7.2010 kl. 14:28]

Þakka kærlega innleggin, en ég hafði ekki heyrt þetta sem Brynjar nefnir, þó það komi mér ekki á óvart. Varðandi myndböndin frá kallpunginum, þá er það ekkert nýtt að ESB sé líkt við gamla soviet og hvað gullið varðar, þá tel ég að það gæti farið að koma fréttir þaðan, þó svo ég hafi ekki stúderað það nóg til að koma með ákveðna skoðun á því. Hins vegar hef ég tekið eftir "gullgröfurunum" í Frakklandi og þegar þeir fara að sækja í gullið hjá almenningi, þá er eitthvað á leiðinni. Ekki veit ég hvert þessir 4 milljarðar fara, ég veit það eitt að það verður ekki til hagsbóta fyrir land og þjóð.

Njörður, hefur þú tekið eftir hvað margir ESB sinnar hafa commenterð á þessa færslu?