Byrjaði reyndar 4. maí

Eins og þeir sem lásu það sem ég skrifaði 4. maí sáu, þá benti ég á að líklega væri "niðurgangur" væntalegur á bandaríska markaðnum. Ekki vil ég meina að ég hafi séð svona rosa stökk eins og varð í dag, en þetta kemur mér ekki á óvart.

Bandaríski markaðurinn hefur verið að sýna veikleikamerki núna í nokkra mánuði og í þessari viku byrjaði hann að hökkta í uppganginum sem verið hefur. Þegar svoleiðis gerist, þá þarf ekki nema örlitlar fréttir eða "mistök" til að setja allt úr skorðum. Að ætla nú að leita að einhverjum sökudólg er bara út í hött. Markaðurinn fór ekki svona vegna mistaka. Hann fór svona vegna þess að menn eru á nálum. Hefndarþorsti þeirra sem töpuðu í dag mun hins vegar krefjast blóðs og þá er einhver óheppinn "skrifstofublók" best til þess fallinn að gefa það blóð.

Hins vegar gæti þetta verið blessun í böls líki, en hugsanlega er markaðurinn búinn að fá það hressilega kælingu að hann gæti náð sér aðeins á strik, þó líklega verði það tímabundið.

Morgun tradin eru byrjuð (of langt að skýra það nú, hvernig verslun á morgun er byrjuð í dag), en hún opnaði S&P500 vísitöluna í 1.124,30 (á framvirkum markaði) og hefur hún fallið síðan, en er reyndar þegar þetta er skrifað, að skríða úr 1.113,60 í 1.118,30 stig, svo það er hugsanlegt að hún nái sér í nótt og fram eftir degi á morgun.

Hins vegar var vísitalan að nálgast stuðningssvæði sem er í kringum 1.140 stig áður en hún hrundi niður og því spurning hvort hún nái þar uppfyrir. Nú er þetta ekki lengur stuðningur heldur viðnám og gæti það orðið erfitt viðureignar. En með markaðinn svona strektann, þá má í raun búast við hverju sem er.

Haldi taugaveiklunin hins vegar áfram, enda helgi framundan og margir hugsanlega farnir að huga að skjóli fyrir helgina, þá má búast við að bandaríski markaðurinn falli hratt. Hann hefur verið keyrður áfram af jákvæðum væntingum, sem ekki hafa allar gengið eftir og því stendur hann á veikum grunni í dag.

Það sem mun fylgja hruni á bandaríska markaðnum, er slæm ákoma á þeim breska. Eflaust verður erfið staða breska markaðarins heimfærð undir erfiðar stjórnarmyndunarviðræður, sé eitthvað að marka útgönguspár.

Ég segi bara enn og aftur, við Íslendingar erum líklegast að koma hvað best út úr þessu bulli sem er að naga inniviði alþjóða fjármálakerfisins.

Mistök í viðskiptum sennilegasta skýringin