Kemur ekki á óvart

Það kemur mér ekki á óvart þetta mat, en ég var að skoða SP500 vísitöluna fyrir nokkrum dögum og tel að það komi skellur innan næstu tveggja mánaða. Það er ekki hægt að afskrifa þennan samdrátt á heimsvísu fyrr en í fyrsta lagi eftir sex til 12 mánuði.

Næstu vikur og mánuðir skipta því verulega miklu máli. Eitt af því sem kemur til með að hafa áhrif, er sú staðreynd að það er ekkert að gerast í bandarísku efnahagslífi sem ýtir undir jákvæða framtíð.

Atvinnuleysi í Bandaríkjunum er ekki að minnka, það sem hefur verið bent á er að það eykst minna en áður. Hins vegar er vert að hafa í huga að þegar fólk gefst upp á atvinnuleit, þá fellur það af skrá og er ekki lengur talið með. Þannig að þegar einn gefst upp og annar verður atvinnulaus, þá er ekki talað um tvo atvinnulausa, heldur bara einn. Þetta skekkir myndina verulega.

Fjármálakreppa yfirvofandi

Athugasemdir

[Einar Björn Bjarnason, 15.1.2010 kl. 12:42]

Hvet alla til að lesa frábæra grein Prófessors Sweder van Wijnbergen við Háskólann í Amsterdam - sá starfaði áður um 13 ár hjá Alþjóðabankanum, við skuldaskil ríkja í vandræðum, og hann sá nánar tiltekið um skuldaskil fyrir Mexíkó sem starfsmaður bankans.

Þetta er sú tegund af þekkingu, sem við þurfum á að halda, ská grein hans:

Iceland needs international debt management

Sjá umfjöllun á minni síður.

Kv.

[Einar Björn Bjarnason, 15.1.2010 kl. 12:43]

Alveg rétt, hækkanir þær sem áttu sér stað, á markaði eru langt - langt yfir því, sem líkur á hagvexti gefa raunhæfar forsendur fyrir.

Þetta telst víst á fagmáli "shadow bubble".

Kv.

[Jón Lárusson, 15.1.2010 kl. 13:12]

Þetta er líka kallað Beartrap, eða bjarnargildra. Þetta er fyrirbærið þegar markaðurinn hefur lent i dýfu og viðsnúningurinn sem kemur á eftir er ekki grundaður á raunverulegum bótum, heldur væntingum til bóta. Þessar væntingar eru svo eins og þær sem voru til staðar í síðustu bólu, ekki hentug til langtímafjárfestinga. Miklar væntingar voru til Obama þegar hann var kosinn forseti og því ekki skrýtið að "hagkerfið hafi farið að rétta úr kútnum" í hans tíð.

Það sem við þurfum að hafa í huga er að með tilliti til langtímahreyfingar stendur SP500 vísitalan frammi fyrir svo kölluðum 50% viðsnúningi (50% retracement), en það er oft vendipunktur á mörkuðum. Ef viðsnúningurinn nær framhjá því marki, má búast við áframhaldandi hækkunum. Komi hins vegar til þess að markaðurinn gefi eftir, eins og oft gerist, þá erum við að horfa á síðasta botn fyrir viðsnúning sem lægsta gildi. Ég er ekki viss um að bandaríska kerfið þyldi það og þá spurning hvort að sá stuðningur sem markaðurinn hefur þar, gefi sig, með ófyrirsjáanlegum afleiðingum. Þ.e.a.s. Þær yrðu verulega slæmar, bara spurning hversu slæmar.

[Einar Björn Bjarnason, 16.1.2010 kl. 01:14]

Ég á von á því, að það verði verðfall. Það þarf þó ekki endilega, leiða til stór alvarlegrar krísu. Mildasta útkoman, væri þá að í kjölfarið lagi aðilar sig að raunhæfari væntingum, nefnilega þeim að hagvöxtur verði næsta áratuginn, hægur og rólegur.

Verri útkoma, að tilkomi dýfa niður í samdrátt á ný, á ný reyni á getu margra ríkja við að halda bönkum á floti - síðan nái ríkin stjórn á atburðarásinni í annað sinn. En, nokkur ríki á brún þess að lenda í alvarlegri skuldakrísu, bætist við Ísland.

Enn verri útkoma, að hringrás hrynjandi banka, hrynjandi hagkerfa skili á endanum, hrun alþjóða peningakerfisins.

Kv.

[Jón Lárusson, 16.1.2010 kl. 12:59]

Það eru ákveðin teikn í SP500 vísitölunni núna sem benda til þess að við séum á ákveðnum vendipunktum. Komist markaðurinn í gegnum þetta, þá er vel, en geri hann það ekki, þá getum við verið að horfa á annað niðurskot og við fyrstu sýn virðast ekki neinir stuðningsfletir vera til staðar sem gætu dregið úr fallinu. Eini verulegi stuðningspunkturinn er botninn á þessari niðursveiflu og ef hann heldur ekki, þá er bandaríska hagkerfið í miklum vandræðum.

[Einar Björn Bjarnason, 16.1.2010 kl. 14:58]

Það kemur í ljós - ekkert sem við ráðum við.

En, ný dífa erlendis, gæti þó bundið enda á deilur um það, hvort þær hagvaxtar- og tejkuáætlanir, sem AGS miðar við, svo Ísland lendi ekki undir kúrvunni, séu á annað borð raunhæfar.

Kv.

[Jón Lárusson, 17.1.2010 kl. 11:05]

Þetta er auðvitað eitthvað sem við getum ekkert gert við, en við getum þó alla vega undirbúið okkur undir breytt ástand í heiminum.

Gangi þetta eftir, þá má búast við að bandaríska og ekki síst enska bankakerfi hrynji. Slíkt hrun mun draga úr allri fjárfestingastarfssemi og við ekki að horfa uppá einhverja innspýtingu á erlendu fjármagni. Bara þess vegna verðum við að huga að framtíðinni á nýjum forsendum.

Við verðum að líta til nýrra hugmynda um það hvernig við viljum byggja upp fjármálaumhverfið okkar og í því sambandi vil ég benda á hugmyndir www.umbot.org en þar eru settar fram hugmyndir sem munu leiða til stöðugra fjármálaumhverfis og meiri hagsældar fyrir almenning.

[Einar Björn Bjarnason, 17.1.2010 kl. 13:54]

Ég er búinn að vera þeirra skoðunar, um töluverða hríð, að við þurfum að undirbúa greiðsluþrot.

Þ.e. tryggja að útflutningsaðilar, hafi rekninga í erlendum bönkum, sem enn hafa traust, svo þau hafi credit út á þá reikninga - og geti svo tekið þátt í samvinnu, um lágmarks innflutning.

En, ef alþjóða kerfið hrynur, þá myndi slíkur undirbúningur, undir það að lifa við það ástand, að hafa ekkert credit, nákvæmlega vera mjög ganglegur undirbúningur.

Hvað segirðu um, að senda prófessor Wijnbergen línu. Hef sett inn "contact detail" undir athugasemdir, við eigin umfjöllun sjá að neðan?

Ég held, að þessi maður - hann kom einnig fram i Silfrinu í dag - hafi einmitt þekkingu, þ.e. þekkingu á "debt remanagement for countries in debt criris' " sem við þurfum á að halda.

Og, ég held, að við þurfum að flíta okku, á meðan enn er nægur peningur, í aðþjóðakerfinu.

------------------------------------------------

Maðurinn sem Ísland þarf á að halda - fundinn. Alþjóðlegur sérfræðingur í skuldaskilum ríkja, tjáir sig um vanda Íslands, og er harðorður!

Prófessors Sweder van Wijnbergen, við háskólann við Amsterdamd. Sá maður

"Sweder van Wijnbergen - worked for 13 years at the World Bank, and was lead economist for Mexico and Central America during the negotiations on Mexican debt."

Sjá grein:  Iceland needs international debt management

Kv.

[Jón Lárusson, 18.1.2010 kl. 08:35]

Ég hef verið þeirrar skoðunar að við ættum að líta til þess að semja um allar skuldir ríkisins, enda ekki nokkur möguleiki fyrir okkur að borga þessar kröfur sem á okkur eru settar, sérstaklega þegar litið er til þess að við yfir höfuð eigum ekki að borga þær. Ég er því algerlega sammála Prófessornum, það verður að semja um kröfurnar annars komum við ekki til með að greiða þetta.

Þetta er líka í línu við það sem ég hef sagt um Icesave og þessa "kröfu" hinna greiðsluviljandi, um að við eigum að standa við skuldbindingar okkar. Núna eru við ekki skuldbundin, en eftir samþykkt ábyrgðarinnar verðum við það. En um leið erum við að samþykkja að taka á okkur byrðar sem við getum ekki staðið við.

Heimurinn er hins vegar á hraðri leið í kjallarann, ef bandarískt hagkerfi gefur sig og þá verður ekki erfitt að falla frá skuldum þar sem við værum þá bara hluti af stærri pakka og það bara lítill hluti af þeim pakka. Það sem við hins vegar þurfum að gera er að endurskipuleggja þetta þjóðfélag og líta til þess hvernig við viljum hafa samfélagið í framtíðinni. Við verðum að hætta að líta til allra þessara smáatriða sem bara tefja okkur í uppbyggingunni.

Ég held að þessi tími sem við nú förum í gegnum geti verið okkur mjög góður lærdómur, komum við til með að nýta okkur hann til góða. Það þarf að koma til heildar áætlun til framtíðar, en ekki þessi óskipulögðu viðbrögð sem nú virðast ráða ríkjum. Það er eins og ráðamenn hafi ekki hugmyndum það hvað eigi að gera og vonist til að hlutirnir leysist af sjálfu sér.

Varðandi það að senda prófissornum línu, þá held ég að það þyrfti að gerast í nafni hreyfingar eða hóps. Held að hann fari að "spammmerkja" .is póstföng ef við ætlum að senda honum hvert okkar fyrir sig . Það væri náttúrulega ríkisstjórnarinnar að hafa samband við hann, en það miðast þá auðvitað við það að hún sé farin að vinna fyrir okkur almenning.