Hálsafell

Það er alltaf spurning hvað á að kalla svona nýjungar í landslaginu. Ég tel að eðlilegast sé að bíða með einhverjar formlegar nafnagiftir, leyfa þessu bara að þróast. Það hefur nefnilega allt of oft verið búið til "rétt" nafn á hluti sem engan vegin hafa vanist með fólki.

En ef ætlunin er að fara í nafnakeppni, þá vil ég kasta fram nafninu Hálsafell, bara svona til að taka þátt

Fimmvörðufjall?

Athugasemdir

[Oddur Árnason (IP-tala skráð) 25.3.2010 kl. 09:52]

Sæll Jón!

 Miðað við nafnaslaginn sem reikna má með að farið verði út í miðað við bloggsíðurnar í dag þá legg ég til að fjallið,  sem er vel að merkja frekar lítið enn,  verði nefnt Bullukollur til heiðurs bloggurum landsins. :o)

[Þorgils Hlynur Þorbergsson (IP-tala skráð) 25.3.2010 kl. 10:07]

Einhver stakk upp á nafninu Skjaldborg.

[Jón Lárusson, 25.3.2010 kl. 10:12]

Sæll Oddur,

Bullukollur er ekki verra nafn en hvað annað. Það má líka hemfæra það á ástand þjóðmálanna í heild  og þannig getur það verið táknrænt fyrir tíðarandann sem það "fæðist" inn í.

[Jón Lárusson, 25.3.2010 kl. 10:12]

Spurning Þorgils, hvort þarna sé þá komin skjaldborg heimilanna

[Steini (IP-tala skráð) 25.3.2010 kl. 13:09]

Tveggja atkvæða kvenkynsorð kemur upp í hugann. Einhver benti á að nágrannafjöllin væru kvenkyns. Hekla og Katla. Nefnt var Lauga sem er sniðugt. Annar nefndi Vörðu sem er frábært. Góa væri líka gott. Fjallið lokaði góunni með gosi.

Ég myndi velja hugrakka konu úr nútímanum og skíra fjallið í höfuðið á henni. Freyja.

[Grefillinn Sjálfur - Koma svo! (IP-tala skráð) 25.3.2010 kl. 13:30]

Það er víst búið að ákveða að "fjallið" eigi að heita Jónsfell.

[Jón Lárusson, 25.3.2010 kl. 16:49]

Steini, ég held að Varða gæti verið nokkuð góð niðurstaða.

Ég las reyndar hugmynd um að skýra þetta í höfuðið á honum Þórði á Skógum og margt vitlausara en það, enda hefur maðurinn unnið mikið verk fyrir sveitina. Það er alla vega skárri kostur en Jónsfell þó ég þakki að sjálfsögðu heiðurinn, eins og ég geri ráð fyrir að flestir sem Grefillinn heimsótti, geri.